8 ଏଚେଟିଏ ମାହାପୂରୁ ନ଼ହଁ ଅ଼ଡ଼େ ତାନି ମୀର୍କାଣି ଏଲେଇଚେସି, 9 "ମେହ୍ଦୁ ମୀ ତଲେ ଅ଼ଡ଼େ ମୀ ୱା଼ହିମାନି କୂଡ଼ା ତଲେ, 10 ଅ଼ଡ଼େ ମୀ ତଲେ ମାନି ବାରେ ଜ଼ନ୍ତଜିୱେଡ଼ି ତଲେ, ଇଚିହିଁ, ଜା଼ଜାଟି ହ଼ଚା ୱା଼ତି ନା଼ୟୁଁତି ଜ଼ନ୍ତଜିୱେଡ଼ି ଅ଼ଡ଼େ ଜା଼ଡ଼ାତି ଜ଼ନ୍ତଜିୱେଡ଼ି ଅ଼ଡ଼େ ପଟା କା଼ଟି ଦାର୍ତିତି ବାରେ ଜୀୱୁଗାଟାଆଁ ତଲେ ନା଼ନୁ ନା଼ ରା଼ଜିମା଼ନା କିହାମାଇଁ। 11 ନା଼ନୁ ମୀ ତଲେ ଈ ରା଼ଜିମା଼ନା କିଇଁ, ବାରେ ଜୀୱୁଗାଟି ଜ଼ନ୍ତଜିୱେଡ଼ି ପିୟୁ ତଲେ ନା଼ସା ଆ଼ଉ; ଅ଼ଡ଼େ, ଦାର୍ତିତି ନା଼ସା କିହାଲି ପିୟୁ ଆ଼ଏ।" 12 ଅ଼ଡ଼େ ୱେଣ୍ତେ, ମାହାପୂରୁ ଏଲେଇଚେସି, "ନା଼ନୁ ମୀ ତଲେ ଅ଼ଡ଼େ ମୀ ତଲେ ମାନି ବାରେ ଜୀୱୁଗାଟି ଜ଼ନ୍ତଜିୱେଡ଼ି ଅ଼ଡ଼େ ୱା଼ହିମାନି କୂଡ଼ା ତଲେ କା଼ଲେଏ ତାକି ଏମିନି ରା଼ଜିମା଼ନା କିତେଏଁ, ଏ଼ଦାନି ସିନା ଈଦି; 13 ନା଼ନୁ ହା଼ଗୁତା ଦାର୍ଣକି କିହାମାଇଁ, ଏ଼ଦି ଦାର୍ତି ତଲେ ନା଼ ରା଼ଜିମା଼ନାତି ସିନା ଆ଼ନେ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)