3 ଏନ୍ଦାଇରିଙ୍ଗା ଦାରି ଆଇମାଦି ୱେୟୁଦାନ୍‌ ବଟୁ ବଟୁ ପୁକି ନିୟୁ ନାନି ସାୱି ମାଟା ସନାତ୍‌, ତାନି ୱେୟୁ ନିୟୁ ବାଦ୍‌ଲୁ ନାଣ୍ଡ ନେଗି ସାୱି ମାଟେଙ୍ଗ୍‌ ସନେ । 4 ମାତର୍‌ ତାନି ସେସ୍‌ ଦଣ୍ତ୍‌ କେଇନି ମାରାତି ରସ୍‌ ୱାଜା, ରିଆଙ୍ଗାଁ ଦାରାମାନି କାଣ୍ତା ୱାଜା ଆନାତ୍‌ । 5 ତାନି ପାଦାମ୍‌ ସାନି ତରିନ୍‌ ସନାତ୍‌; ତାନି ପାଦାମ୍‌ ସିଦା ମୁସ୍‌ନି ଗୁଟାଦୁ ଆର୍‌ନାତ୍‌; 6 ଆଦେଙ୍ଗ୍‌ ୱାଦ୍‌ ଜିବନ୍‌ତି ସମାନ୍‌ ସାରି ପୟ୍‌ଏତ୍‌; ତାନି ସାର୍ରିୱିଜୁ ତାନ୍ଦ୍ରା ଆନାତ୍‌, ମାରି ୱାଦ୍‌ ଆକା ନେସ୍‌ଏତ୍‌ ।

7 ଇୟାଉଣ୍ଡିଙ୍ଗ୍‌ ଏ ନା ମାରିନ୍‌କୁ, ନା ମାଟା ୱେଣ୍ଡ୍ରୁ ମାରି ନା ୱେୟୁଦି ମାଟାଦିଙ୍ଗ୍‌ ବାଣାମାଟ୍‌ । 8 ଆୟା ଆଇମାଦି ମାଣାନ୍‌ ନିଜେଦି ସାରି ଆକ ଇଡ୍‌ଦୁ ମାରି ତାନି ଇଲୁଦି ଡେୱା ଲାକ୍‌ତୁ ସଲ୍‌ମାଟ୍‌ । 9 ଜଦି କିତିଙ୍ଗା, ଆନାତ୍‌ ନିନୁ ଆଇ ଲୋକାମାନୁ ନିଜେଦି ମତ୍‌କୁତାନି ମାରି ଦୟାକିଇ ଲୋକାଙ୍ଗ୍‌ ନିଜେଦି ଜିବନ୍‌ ସିନି;