Mateus 3

Sumikila kwaJohane Mbvubiki

1 Mumahhuba iyawo kwakahha Johane mbvubiki, esumikila mutjilambanyika tjeJudiya, 2 eti, "Handukani, ngobe bumambo gwekudzimu gwatjisedzela." 3 Ngobe ndiye wakalebgwa nekukwe nenlebesambeli Isaya, eti,

"Whi lewunomimila mutjilambanyika,

‘Baakanyani zila yaHe,

mutambunudze zidlana dzidze.’ "

4 Johane waka ena tjiyambalo tjebukuse gwekamela panhunji enamwandabula wegukuta; waka edla mhaho nebutji gwemuhango. 5 Banhu bemuJerusalema bose nebemuJudiya bose, nebemuntunhu wose umuwhunde yaJorodani bakabhuda bakayenda kuwunli. 6 Wakababvubika mugwizi gunoyi Jorodani, hule kwebvuma matjinyo abo.