46 Wakenda akale kuKana muGalili, yoko kwakabashandula ivula ikabe waini. Akale kuKapenawomi kwakabeli nontungamili walulwalilwa nomwananhulumyana. 47 Paakawha kuti Jesu wava kuJudiya waswika muGalili, wakenda akoonkumbila kuti ende enochija mwananhulumyana uwe, nokuti wakaba alobofa. 48 Jesu nezwo wakati kwaali, "Kuzhe kokuti mubone zwitondejelo nozwishamiso amutodimbwa."
49 Untungamili wakati kwaali, "Shungwasha, delela, mwana wangu esanhu afa."
50 Jesu wakati kwaali, "Inda mwananhulumyana uwo unochila."
Unhulume yoyu wakadimbwa iwhi Jesu lyakalebeleka kwaali, akanyamuka akenda kumba kukwe. 51 Paakaba enda, bashingi babe bakontandamija bakombuja kuti mwananhulumyana uwe wachila.
52 Nezwo wakababhuza unshaji paakatanga kupabula, bakati kwaali, "Zhilo neawa yotanga yamasikati makulwana, kupisa mbili nokululuma kwakapela." 53 Tate bakaziba kuti ndiwo unshaji Jesu paakati kwabali, "Mwananhulumyana uwo uchachila," akale iye nokukwe wakadimbwa, nemhuli iye yose.
54 Ngweno chaluba chishamiso chabili yechi, Jesu chaakata abuya eva kuJudiya enda kuGalili.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)