38 Kēy van dēn̄ me nēm̄ non Jayrus nen, Tigsas et van a nisil liwo taqtō anen, ba woqse valiqō a kēy yayahōlōl beten̄ten̄. 39 Tō kē nihayveg hay lēm̄, tō nivap van hiy kēy so, "Atmi nitog ten̄ten̄. Nam̄alm̄al gōh et mat te, kē memtiy ēwē."

40 Ba yatkel et boyboy hiy kē aē. Tō Tigsas mōvōylō kēy, tō melep imam wa tita nonon nam̄alm̄al en, tiwag mi itēlge nonon, tō kēy hayveg hay mahē a nam̄alm̄al entō aē en. 41 Tō Tigsas nitēy namnen m̄alm̄al en, ba mavap van hiy kē mi nagatgat nonoy so, "Talita kumi." Nēdēmdēm nan so, "M̄alm̄al su, nēk hatig." 42 Tō nam̄alm̄al nan nihatig, tō nivanvan kēlkēl. Nēte nonon son̄wul nanm̄e vōyō. Mahē a kēy met nage qele gōh, tō kēy mamamakē aē a nilwo.