1 Yesu abalaka na batingami ba nde isɛ imɔti, tine bobainedja etungi seko bongɔnɔ napɛ, bokina: 2 «Edaka ta ibonga inɛnɛ djudji omɔti odaka pɛ bobanga Ndjakomba ko taendje mbanda e moto. 3 Edaka pongono ta ibonga imina, mwali omɔti ogwa na momi aduaka seko seko bobala na nde: "Kateani ikambo i mbi na moloni o mbi!" 4 Donga ehele, djudji aipalaka. Ngɔngɔ asabaleaka: "Nongo te na bange Ndjakomba ko tenedje mbanda e moto; 5 Endolo elenge mwali yo obogwa atungeakani mɛnɛ, nakataka ikambo i nde, tine atadedjakani bogo."» 6 Ibea Kumu abakeaka: «Okani eka abalaka djudji yona mobe! 7 Ko Ndjakomba, akatetebi na bodjo midjɔ mi bato bia bahɔmɔ bakamongɔne bulu na moi? Ayeyoabi tina ebobakɔmedja? 8 Nabali na nu: akatabi midjɔ mi bobo pɛpɛlɛ. Endolo ehole eduabi Mwana o Moto, ataneabi bodima ta ngondo?»