Lucas 2

22 Ko yana aimeaka ehole e bosasɛnodja, bobwana na mobeko mo Mose*2, 22 Endja pongono ta Lew 12, 3,6 Mose adaka mbaeli o Ndjakomba, Esepu na Malia bakɛkɛ na mwana ta Yelusalɛmɛ tine bomoinedja Kumu; 23 tengasa boboana na moda mokomama ta mobeko mo Kumu: «Mwana mosusu momi o boso yona oboti bo aboani bomobondjea adi Kumu*2, 23 Endja pongono ta Boi 13, 2,12. elenge ikabo*2, 23 Endja pongono ta Eso 13, 2,11-13 Eka epi bo.» 24 Boboana na mobeko mo Kumu, bapaka adi Ndjakomba mbeka edowa mwali na momi kaoko bana ba bimbenga babae*2, 24 Endja pongono ta lew 12, 8. 25 Moto omɔti adaka ta Yelusalɛmɛ kombe e nde Simeona. Moto omina adaka bodjo na isuma, adaka amba isu igɔledjamabi Isalɛlɛ, ko Mwembo Mosɛnɔke modaka na nde. 26 Mwembo Mosɛnɔke mo motɔndeaka boso boo agwɛtebi mbunoko akaenɛ Kilito, Kumu. 27 Mwembo Mosɛnɔke mo molomaka, ta tepelo, oko ta ehole emina, baboti ba Yesu bakɛkɛ na nde tine bokokedja meako imihɔdjɔkɔ mobeko. 28 Simeona amotombaka ta mɔmɔ ma nde ko akumedjaka Ndjakomba. Abalaka:

29 «Edɛdi, Kumu, okokedji mbuno e wɛ;

kina mosali o wɛ aheme na bogo. 30 Tengasa miso ma mbi maeni Moheledji*2, 30 Endja pongono ta Isa 40, 5,

31 yona obɔngedja wɛ tina e bato basusu:

32 Yo adi moi mo bohu adiko i bato

badi pɛ boda Isalɛlɛ,

ko gala adi bato ba nde, Isalɛlɛ*2, 32 Endja pongono ta Isa 42, 6; 49, 6; 52, 10.»

33 Sange e nde na nange e nde badaka bokamoa meako midaka Simeona abala ta tina e nde. 34 Simeona abadjongoaka ko abalaka na Malia nange e Yesu: «Mwana iyo alomama bo adae ibaku tina e botitedja kaoko boangɔdjɔ bato banɛnɛ ba Isalɛlɛ. Adabi embete ekitɛ ebogbɔtodja bato; 35 na bea aimedjabi ta bohu malɛi imabolama ta milema mi bato; ko wɛ, nange e nde, ookabi saya ta molema elenge bakoindea ikɔngɔ.»

Ana, mbaeli o Ndjakomba mwali

36 Edaka na mbaeli o Ndjakomba mwali omɔti kombe e nde Ana, mwana mwali o Panuwele, o pako e Aselo. Aimeaka mobange mɛnɛ. Ayeyoaka ta moki mbula sambo na muma nde omoasɔkɔ donga ta bobwɛngɛ bo nde. 37 Adikaka mwali o bogwa mbunoko akokedjaka mbula tuku bo mwambe na banei*2, 37 Adikaka mwali o bogwa mbula tuku bomwambe na ba banei Ta makomi makina adikamaka mwali o bogwa bianga tuku bomwambe na bi mei.. Adaka ta tepelo bihole bisusu, bokɔmea Ndjakomba bulu na moi, ko na bokia mia ko bongɔnɔ. 38 Aimeaka ehole emina, apaka Ndjakomba mɛlɛsi na botɔndɔ meako tina e mwana adi bato basusu bia bambaka mohelo mo Yelusalɛmɛ.