38 Ta ndanda e bato bamina banɛnɛ, moto omɔti abangaka bogama: «Molehi, naongɔni, endja mwana o mbi, nadi na nde oko omɔti! 39 Mbala isusu mwembo mobe mokamodumbe, ibea akaime bogama, mokamopukuse ko bosadumba ta kpɔtɔ, akaime boima masɔi ta monɔkɔ. Mwembo momina mokamokedje saya ko temomokine pɛpɛlɛ. 40 Naongɔnɔki batingami ba wɛ bamobengane, endolo bakokiti.»
41 Yesu abalaka: «Bato ba milema mipipo ko bataki bodjo! Mbunoko ehole nda edabi mbi na nu? Naohɔneni mbunoko ehole nda?» Abalaka na moto omina: «Dua na mwana o wɛ iya.» 42 Ehole aimeaka mwana mbuti na Yesu, mwembo mobe momopukusaka ko momodumbaka ta kpɔtɔ. Endolo Yesu abenganaka mwembo mobe momina, aheledjaka mwana ko amopaka adi sange e nde. 43 Ko bato basusu bakamoaka na ngulu enɛnɛ e Ndjakomba.
Yesu adjebedji tine bogwa bo nde
Ko moto na moto adaka bokamoa na misusu mikɔkɔ Yesu, atɔndeaka batingami ba nde:
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)