Atos 16

25 Ta ndanda e bulu, Polo na Silasi baangɔnɔkɔ ko baembaka bɛngi bakumee Ndjakomba; babɔlɔkɔ bakina babahokamedjaka. 26 Na mbala emɔti kpɔtɔ djikumana na ngulu mɛnɛ miboku mi ndako e bɔlɔkɔ mihombaka mibukee. Oko ta ehole emina, midipe misusu midipoama ko mikpulu mi bibende mi babɔlɔkɔ misusu miloloana. 27 Sindjili asisoa; aɛnɛ midipe mi bɔlɔkɔ midaka midipoamake, atomba mɔmbi mo nde bɛngi asaowoe, modjɔ mo alɛnɛkɛ bo babɔlɔkɔ basiaka botia. 28 Endelo Polo agama na ngulu bo: «Pɛpɛ bosakɔɔ oko bobe! Iso basusu lodii iya!» 29 Iboa sindjili asɛngɛɛ molinda, akwea ta bɔlɔkɔ akɛkɛ angongome na bɔɔ, ko asadumba ta mako ma Polo na Silasi. 30 Abaimanedja sokolu ko abawadja bo: «Bakumi, eka ebwani mbi bokɔ nda bɛngi nahele?» 31 Bamosɔmbedja bo: «Dhimea Kumu Yesu ko oheladea, wɛ na ibota iwɛ.» 32 Ko bamotɔndea mobalo mo Kumu, na bato basusu ibia badaaka ta ndako e nde. 33 Sindjili abatomba oko ta ehole emina iyena e bulu asosa pola dji bobo. Aso atomba batisimo na bato ba nde basusu*16, 33 Boɛngɛ 16:15; 18:8.. 34 Akwedja Polo na Balanabasi ta ndako e nde ko abapa mia. Moomi omina na ibota di nde, baluma na mongandi iyana adhimea bo Ndjakomba.