Lucas 7

31 Yesu abala naikina bo: «Mbi nadii bokuanedja bato ba mbota e busa ibubu mɛnɛ na nda? Badii olongo ba nda? 32 Babwani na bɛngɛ ibibi badii na mbondo ta esika ekaputoane bato, baasagameana ibo na ibo: "Lobomeakini baa mindule bakɛkɛkɛkɛ ko obuitini! Loembeakini ndjembo dji ilaka ko oyeitini." 33 Modjɔ mo, Yoane Mobatisi adowa iyo, ta yake mwɛmbɛ, ko ta mwake vino, ko obalini na nde bo: "Adii na mwembo mobe!" 34 Mwana o moto adoa iyo, ayaki, ko amwaki, ko obalini na nde bo: "Indja moto iyoyo akapale seko boyaka ko na bomwaka, adii mwange e baputedji ba puti ko na bato ba pekato!" 35 Endelo konga e Ndjakomba bodjebani sooti tadii bana ba nde basusu.»

Yesu ta ndako e Simona mopalisai

36 Mopalisai omɔti abea Yesu bɛngi ayaka ta ndako e nde; akwea ta dii mopalisai ko adaa ta mesa. 37 Ta ngando emina enɛnɛ, mwali omɔti o pekato aoka bo Yesu adaaka ta ndako e mopalisai, adoa na molangi momɔti mo malasi mo motsuiya monɛnɛ molumake!