MATAYO 9

Yesu anɔi epeko ko na yogo na ngulu

18 Ta ehole ebalaka Yesu iboa, mobanei omɔti o Bayudha asabatea ko akwa magbunda ta boso bo nde ko abalaka bo: «Mwana o mbi o mwali akɛkɛ ahule agwa oko edɛdiyeye; endelo doa abakee ebɔ e wɛ ta diko di nde ko aheladea naikina.» 19 Yesu aangɔ ko amokimana engbanga emɔti na batingami ba nde.

20 Enakoboa mwali omɔti, adaaka na yogo e botanga makiya, ko yogo e nde ekokedja bianga doomi na ibae, abatama ta sangɔngɔ dji Yesu ko abɛndjɛ sɔngɔ e esendja e nde. 21 Modjɔ mo asabaleaka bo: «Nakabɛndjɛ oto sɔngɔ e esendja e nde, naheladea». 22 Yesu ahombana, amoɛnɛ ko aso abala bo: «Sapingedja, mwana o mbi o mwali! Bodhima bo wɛ booheledji.» Oko ta ehole iyena, mwali aso ahela.

23 Ta ehole eimea Yesu ta ndako e mobanei, ko aɛnɛ iyo babomeli ba mindulɛ*9, 23 Babomi ba mindulɛ, bapakeaka bali adaaka na mosala mo boyeya na ndjokwa epipo ta ndako e ilaka e bangaka. mikɛkɛkɛkɛ ko emumu e bato badaaka na moyeke ko na dhaka, 24 abala na bu bo: «Imanani, modjɔ mo mwana mwali agwiti, awɛli hiɔ.» Endelo ibo bamosɛkɛkɛ. 25 Ta ehole eimana emumu e bato sokolu, Yesu akwea apea mwana mwali ta ebɔ, ko mwana mwali omina asisoa. 26 Gala enangana ta ekenge e mokili iyena esusu.