प्रेशित 16

फिलिप्पीइ जेलेमेहें

16 एक दिही आमू जेहेलाम प्रार्थना कोइलाअ जागे जाताते, तेहेलाम एक पुतवाअली बोयोंअ मिल्यी, जियीमेहें भविश्य कोनारी पुतोअ आत्मा ओती. ते भविश्य कोत कोइत तियीइ मालख्योहो जाअखीलाहा पोशा कामावित आपतीते. 17 ते पौलुसोअ आन आमाआं फासाड़ी आवित कोइत आअड़ी वोल्यी, "एं माअहें आखाम रोत वोडा देवोअ सेवक होये, जें तुमुहूं सुटकाअ वाटेए काईं कोतापतेहे." 18 ते बोयोंअ जाअखीलाहा दिही जाआं एहेंज कोअती रोयी; पोन पौलुस जुदू ओसवाअयू, आन वोलीत कोइत तियी आत्माहां कोयो, "आंय ताहूं ईसु ख्रिस्ताआ नावसे आदेश आपोहो के यी बोईंमेहें रोत निहीत जा!" तेताजमेहें ते आत्मा तियीम रोत निहीत गोयी.