Mateus 14

ईसु पास हाजार माहुंहूं रोटू खावाड़त्लू

13 जाहां ईसु योहानोअ मोयातीइ खबर उनाअयू, ताहां तो नावड़ामेहें बोहीत तिहीं रोत हुंदली जागे जातु रोयू. माअहें ओं उनाइत होयर सोड़ीत तियाआ फासाड़ी पागे पागेज गोये. 14 तिये नावड़ाप रोत उतरीत कोइत एक वोडी गर्दी देख्यी, आन तियांपोअ तियाहा किइमाय आवयी आन जें बिमार ओते तियांहां हुदार्‍ये.

15 हांजे पोअ तियाआ सेला तियाआ जागे आवित कोयो, के "ओ हुंदलू जागू होये आन वाआ बी लागेहे, यां माअहुंहूं जाअहूं दे, मोन्ज्ये तें वोहतीमेहें जात कोइत जिव जिवोअ काजे रोटू वेसातू लेत लेय."

16 "पोन ईसु तियांहां कोयो, ते ने जाअहूं जोवे! तुमूज याहां कि तेबी खायतेहें आपा!"

17 तियां तियाहा कोयो, "इंहीं आमापोअ पास रोटा आन बेन मासे या वासी बिहीरो किज कायनाहां."

18 ईसु कोयो, "ते माआं जागे लेतावा!" 19 ताहां तिये माअहुंहूं डोमटा पोअ बोहे तेहें कोयो, आन ते पास रोटा आन बेन मासा आथम लेत कोइत होरगाअहें पालीत देवोअ धन्यवाद कोअयो, आन रोटा मुड़ी-मुड़ीइ सेलाहां आप्या, आन सेला माअहुंहूं आप्या. 20 जाहां आखे खात ताराईत गोये, ताहां सेला उगरीइल्या कुटकाआ बारा टोपली पोअयी. 21 आन खानारामेएं बोईं आन पोर्‍ये सोड़ीत पास हाजार माटी ओता.