Mateus 17

Kulhanu kodi he Minda ya Kiumbi

24 Yesu na vahina kuu vareahe Kapernaumu vahe vedoria kodi ya minda ya Kiumbi vekamliaha Petro na kumlhasu, "Ho mhinya kaghu eralhanu kodi ya Minda ya Kiumbi?" 25 Petro ekavaba, "Ee eralhanu." Petro areabuu za he minda, Yesu ekakhwa wa bosi kuliyoiya, ekamlhasu, "Simoni ari uakho kimomo? Vadilao va idi vedoria ushuru hile kodi kuli he heji? Kuli he vahe kini hile kuli he vagalho?" 26 Petro ekamba, kuli he vagalho vebuu he idi. Yesu ekamba, kwato vahe kini tevedumuwa kulhanu kodi. 27 Mira kalo tusivasanuije, so he iziwa uzebibi ndoana. Idori samaki ya bosi uneivula. Lha muo kuu naari uneakho mihaku, dori urelhanu kodi gho hawe na kechi.