45 Kwa kubhee Majaandiko ga Annoongo galobhola, "Mundu jwaajemike nga Aadamu, jonojwe akapekewa umomi", nambo Aadamu jwa kupela nga Mboomo jwaapekeanga bhandu umomi. 46 Nambo ngabha gwagola gwa chimboomo gugulongolela, ila nga gwagola mmele gwa kubhelekwa nago, ngapena gwagola mmele gwa chimboomo. 47 Mundu jwaakajemeka kuhalakilwa kwa undopi nga Aadamu, na mundu jwa bhele akabhoka kunani kwa Annoongo. 48 Bhandu bhoa bhabhabhilinge bha pachilambo bhabhilinge handa mundu jonojwe jwaatekuhalakilwa kwa undopi, bhenibhala bhabhabhilinge bha kunani kwa Annoongo bhabhilinge handa jonijola jwaabhokite kunani kwa Annoongo. 49 Kwa muda gongoni tupekiwe mmele gwa jonijola jwatekuhalakilwa kwa undopi, hela hela lichobha limo tupakulandana na mmele gwa jonijola jwabhokite kunani kwa Annoongo.