Ayesu bhaatendela gammbone bhana bhachoko
13 Bhandu bhakaaletela Ayesu bhana bhachoko bhachoko ili bhakombole kwakwaanga, nambo bhanapunji bhabhe bhakaakalipilanga. 14 Ila Ayesu pabhakabhona henela, bhakatumbala bhakaalobholelanga bhanapunji bhabhe, "Mwalekange bhana bhachoko bhahikange kwaachangu, wala nkotokwahibhilanga, kwakubhee bhandu bhabhalinge handa bhana bhachoko habha nga bhabhapakujingilanga mu ukolo gwangu. 15 Ndendakunnobholelanga kweli, amundu bhoabhala bhabhakana kugupokela ukolo gwa Annoongo handa mwana nchoko chibhahobhalela ngajiingila mu ukolo gwa Annoongo." 16 Ngapena bhakaanamatilanga bhena bhana, bhakaabhekelanga mabhoko gabhe nnani ja bhena bhana, bhakaalobholelanga gammbone.
Amatayo 19:16-30; Aluka 18:18-30