29 Ubwo nyene, inyuma y’ivyo vyago vyo muri iyo misi,

‘izuba rizocura umwijima,

n’ukwezi ntikuzosubira kubonesha,

inyenyeri zizokoragurika ziva kw’ijuru,

n’ivy’inkomezi biri mu kirere bizonyiganyizwa.’ * 24:29 Yesaya 13:10; 34:4

30 Inyuma y’ivyo, ni ho ikimenyetso cerekana ukugaruka kw’Umwana w’Umuntu kizogaragara kw’ijuru, kandi hazoba amaborogo mu bantu bo mu moko yose yo kw’isi. Ni ho bazobona Umwana w’Umuntu azananye n’ibicu afise ububasha bwinshi n’icubahiro. 31 Azotuma abamarayika biwe bavuze inzamba zisamirane cane, hanyuma begeranye abatoranijwe biwe bose bo mw’isi, kuva aho ijuru ritangurira gushika aho riherera.