Aknyi n Abwui
31 "She Əza Nugwnu ɓə ɓe dna ń əwo latu n amaləkai vnyanya n kwnusnu ń woi, wo ɓə sasetu ń əwo əbeshnikpegye latuyi. 32 Abye vnyanya ɓə yezhi ń əwo abye, woi gnaɓaaje ngye shi naknayi tnu aknyi ya n abwui nyi. 33 Wo ɓə zhi aknyi n əwo ɓwaizhe jesnu abwui n əwo ɓwaipmi.
34 "Nlonu Əsu ɓə gna aza yi n ɓa zhi n əwo ɓwaizhe nyi, ‘Fye ɓe, əfye ń əmi Dada wo kwu anabəlika kpe fye nyi; fye gwo əfye əgwú, əbemi n a ɓə zhni aba ga fye n anyì zhni əsa nyi.
40 "Əsu ɓə dnaɓəgbe, ‘Ɓəhnihni mi gna fye, nyahonyahoi n fye ɓə zhni ga əza gnagbai gbmanyi n əmi azaje ye n amapwii, fye ɓə zhni ga əmi nu.’
41 "Nlonu wo ɓə gna aza yi ń ɓa zhi n əwo ɓwaipmi nyi, ‘Fye la kwukala ń əmi aba, əfye aknyituyi, fye lofyi ń əná nyalonyalo nya n a ɓə zhni kwo ntu shetam ɓo n əwo amaləkai nyi.
46 "Nlonu ɓa ɓə kwuka ɓa lo tata nyalonyalo nya, ama aɓəfyeceyi ɓa ɓə lo wyewyeyi nyalonyalo nya."