Hebreus 1

Abasi Etiñ Ikọ

1 Abasi ke mme ini emi ekebede ekesitiñ ikọ ọnọ mme ete ete ñnyin ediwak ini ye ke ediwak usuñ ebe ke inua mme Asiak Uduak (prọfet) Esie.

2 Edi ke mme ukpere edem usen emi, Enye emetiñ ikọ ye ñnyin ebe ke inua Eyen Esie. Abasi akanam enyọñ ye isọñ oto ke Enye emi Abasi ekemekde ndida kpukpru ñkpọ ñnyene ke utit ini.

3 Enye ayama ye uyama ubọñ Abasi, Enye edi ata mbiet Abasi ofuri ofuri; onyuñ ada odudu ikọ Esie omum enyọñ ye isọñ akama. Ke Enye ama akanam mme owo esana ke mme idiọkñkpọ mmọ, Enye ama ọsuhọde etetie ke enyọñ ke ubọk nnasia Abasi andikoñ ñkan ke odudu.