21 Mata ama ọdọhọ Jisọs, ete, "Ọbọñ mi, edieke Afo okpokodude mi, eyen eka mi ikpikpaha. 22 Edi ami mmọfiọk nte kpa ke idem idahaemi, Abasi eyenọ fi sededi emi Afo edibupde."
23 Jisọs ama ọdọhọ enye ete, "Eyen eka fo eyefiak odu uwem."
24 Mata ama ọbọrọ ete, "Ami mmọfiọk nte ke enye eyedahada onyuñ enyene uwem ke akpatre usen."
25 Jisọs ama ọdọhọ enye ete, "Ami ndi ediset ke ñkpa ye uwem. Owo emi enimde Mi ke akpanikọ eyedu uwem, okposuk edi nte enye ama akakpa, 26 ndien owo ekededi emi odude uwem ndien enim Mi ke akpanikọ, idikpaha. Nte afo emenim emi ke akpanikọ?"
27 Enye ama ọbọrọ Jisọs, ete, "Ih Ọbọñ, Ami mmonim ke akpanikọ nte, ke Afo edi Andinyaña (Kraist) oro, Eyen Abasi, emi akanade nte edi ke ererimbot."
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)