7 अर पोतीपोरे लाल़ी लोभणूंई तेऊ लै। सह लागी युसुफा लै बोल्दी कि मुंह संघै कर रही-बस्सी।
8 पर युसुफै किअ तैहा लै नांईं संघा लागअ इहअ बोली तैहा समझ़ाऊंदअ, "मेरअ मालक निं भाल़ घअरे किछ़ू गल्ले फिकर करदअ, तेऊ बणाअं आपणैं घअरे सोभी गल्लो सैणअ हुंह।
9 "मेरै मालके घअरै आसा सोभी का बडी पदबी दी बी हुंह? ताह छ़ाडी आसा होर सोभै गल्ला तेऊ मुखा सभाल़ी दी, किल्हैकि तूह आसा भाल़ तेऊए आपणीं लाल़ी। आपणैं मालका लै धोखअ अर इहअ घोर पाप निं हुंह करी सकदअ ज़ेता करै बिधाता मुखा दूर होए।"
10 सह रही हर धैल़ै युसुफा लै बोल्दी ई लागी कि सह तैहा संघै सुत्ते। पर युसुफै निं तेसे सह गल्ल मनी अर सह निं तैहा नेल़ बी डेऊअ।
11 एकी धैल़ै हुअ इहअ कि युसुफ डेऊअ किज़ू कामैं पोतीपोरे घअरा लै अर होर नोकर-च़ाकर बी नांई तै घअरै कोहै आथी।
12 पोतीपोरे लाल़ी भाल़अ सह ई मोक्कअ अर तैहा घिशअ सह झिकल़ै का ढाकी संघा लागी बोल्दी, "मुंह संघै सुत्त!"
युसुफै छ़ाडअ च़ोल़अ तेसे हाथै संघा ठुर्हअ सह घअरा का बागा लै।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)