मूल़ 45

युसुफै बोलअ हुंह आसा थारअ ई भरैर

1 ज़ांऊं युसुफै यहूदे गल्‍ला शूणीं, तेखअ निस्सअ तेऊए तिन्‍नां होरी नोकर-च़ाकरा सम्हनै रहूई, संघा बोलअ तेऊ ज़ोरै, "मुंह सेटा का काढा इना सोभी बागै।" तिंयां होर निखल़ै सोभ बागै संघा रहअ युसुफ आपणैं सोभी भाई सेटा एक्‍कै। तेखअ बोलअ तेऊ तिन्‍नां लै, "हुंह आसा युसुफ।"✝45:1 शधा. 7:13

2 तेखअ लागअ सह ज़ोरै-ज़ोरै लेरा लांदअ। बागै हेरअ मिसरी लोगै बी शूणीं अर अह खबर पुजी मैहलै मिसर देशे माहा राज़ै सेटा बी।

3 युसुफ लागअ आपणैं तिन्‍नां भाई का बोल्दअ, "मेरअ बाब अज़ी बी ज़िऊंदअ आसा?" तिंयां हुऐ नड़क्‍क, अर तिन्‍नां छ़ुटी डरै काम्मणीं।