बृथा मिसर देश
1 बिधाता बोलअ इहअ, "ज़ुंण यहूदा मुल्खै राज़ करा, तिन्नां लै हणीं आफ़त! किल्हैकि तिन्नैं किअ मुल्है द्रोह। तिंयां करा आपणीं मरज़ी अर तिंयां करा करार पर मेरी सलाह निं तिंयां पुछ़दै! इहअ करै रहा तिंयां पाप करदै लागी। 2 तिंयां डेओआ आपणैं थोघै मिसर देशा लै पर मेरी सलाह निं तिंयां लंदै। तिंयां च़ाहा इहअ कि मिसर देशो राज़अ तिन्नें फाज़त करे अर तिंयां आसा मिसर देशे माहा राज़ेए आसरै रहै दै! 3 पर तिन्नां पल़णअ इठ-नरिठै हणअ, मिसर देशे माहा राज़ेए आसरै रही पल़णअ तिन्नां शर्मिंदै हणअ।
15 इज़राईलो मालक बिधाता आसा पबित्र, सह बोला लोगा लै इहअ, "मुंह सेटा लै एछा फिरी, संघा रहा एभी पोर्ही मेरै भरोस्सै। तै हणैं तम्हैं बलबान अर बच़ी बी जाणैं।" पर तम्हैं निं इहअ किअ आथी।