Isaías 43

बिधाता बच़ाऊंणी आपणीं परज़ा

1 इज़राईलीओ, बिधाता ज़ुंणीं तम्हैं बणाऐं दै आसा, सह बोला इहअ,

"तम्हैं याकबे आद-लुआद निं डरदै लागी, हुंह बच़ाऊं तम्हां,

मंऐं आसा तम्हैं नाअं बोली शादै दै, तम्हैं आसा मेरै।

2 ज़ेभै तम्हैं डुघअ दरैअ टपे, हुंह हणअ तेभै तम्हां संघै,

हुंह निं तम्हां तेथ डुबणै दैंदअ।

ज़ै तम्हैं भकी दी आगी बाती डेओए, तेता करै निं हुंह तम्हां दझ़णैं दैंदअ,

तम्हैं निं धख बी झल़ुशणैं आथी।

3 किल्हैकि हुंह ज़ुंण थारअ परमेशर बिधाता, इज़राईलो पबित्र परमेशर आसा,

मुंह बच़ाऊंणै तम्हैं आप्पै।

तम्हां बच़ाऊंणे बदल़ै छ़ाडणैं मुंह

मिसर देश, कूश देश अर सबा नगरी।