3 हाम्हैं किई तेऊ लै नफरत अर हाम्हैं समझ़अ सह बृथा,
तेऊ ज़िरै दाह-दुख अर
हाम्हैं किअ सह इहअ भाल़अ नां भाल़अ कि
तेऊए निं कोई बुगत ई आथी!53:3 मोत्त. 9:12
4 पर तेऊ ज़िरै तिंयां दुख ज़ुंण हाम्हां पल़णै तै भुगतणै,
अर ज़ुंण दाहे शूल़ हाम्हां लागणै तै दैणैं।
हाम्हैं रहै तेऊ लै इहअ सोठदै लागी कि
अह मार आसा एऊ लै परमेशरे हुणाकार।53:4 मोत्त. 8:17; 1 पत. 2:24
5 पर तेऊ लै पल़ै म्हारै पापा पिछ़ू ज़खम,
म्हारै पापी कामां पिछ़ू पल़ी तेऊ मार।
तेऊ ज़िरी सह सज़ा कि म्हारअ मेल़-ज़ोल़ होए,
तेऊ ज़िरै घोर दाह-दुख कि हाम्हैं ताज़ै-नरोगै होए।53:5 रोम. 4:25; 1 पत. 2:24
6 53:6 भज. 119; जेर. 50:6 हाम्हैं सोभै तै एही भेडा ज़िहै ज़ुंण हेल़्ही मांझ़ा का लुक्की थिई गई दी,
हाम्हैं सोभै तै आपणीं-आपणीं बाता लागै दै हांढदै।
पर बिधाता लादअ म्हारै पापो सह गर्कअ बोझ़अ तेऊ आपणैं दासा प्रैंदै
ज़ेते सज़ा हाम्हां लागणीं ती भुगतणी।53:6 शधा. 10:43; 1 पत. 2:25
7 सह हंतअ ज़िहअ नां किहअ, पर सह रहअ च़ुपच़ाप तिन्नां ज़िरदअ लागी,
तेऊ निं एक बैण बी बोलअ।
सह रहअ इहै मिम्मूं ज़िहअ ज़ुंण डिलणा लै हआ काटी लाअ द
अर एही भेडा ज़िहअ ज़ुंण मुनी हआ लाई दी,
तेऊ निं एक बैण बी बोलअ।
9 सह डाहअ कदुष्ट पापी मणछा संघै घोरी दाबी,
पर ज़हा घोरी सह दाबी डाहअ सह थिई सेठा मणछे।
तेऊ निं कधू धख ज़िहअ कशूर बी किअ
अर नां कधि एक बैण बी झ़ुठअ बोलअ।"
12 तेऊ लै दैणीं अदरे पदबी,
ज़ुंण पदबी महान अर बलबाने हआ।
तेऊ दैनी दिला का आपणीं ज़ान,
सह गणअ ज़ुल्म करनै आल़ै संघै।
सह बेठअ पापी मणछे ज़ैगा आप्पू संघा
किई तिन्नें पाप-दोशे माफी लै अरज़।"