ईशायाह 66

बिधाता करनअ देशा-देशो नसाफ

1 बिधाता बोला इहअ, "स्वर्ग आसा मेरी राज़गाद्दी, पृथूई आसा मेरै पैरा हेठे च़ौकी। तम्हैं मुल्है किहअ घअर सका बणाईं? सह कुंण ज़ैगा हणीं ज़िधी हुंह बस्सणअ?✝66:1 मोत्त. 5:34,35; 23:22; शधा. 7:49,50 2 सारअ भ्रमंड आसा मंऐं बिधाता आपणैं हाथै बणाअं द! ईंयां सोभै च़िज़ा आसा मेरी ई! हुंह हआ तिन्‍नां मणछा का खुश ज़ुंण घमंड निं करदै, ज़ुंण बूरी गल्‍ले माल़ी च़ेता अर ज़ुंण मेरी डरा हेठै रही ज़िहअ हुंह बोला तिहअ ई करा।✝66:2 भज. 34:18; मोत्त. 5:3