44 Wa nɛ ɔmɛ tloo Bo Tsu kɛ nyɛɛ nga a nɔ. E ji tsu nɛ a pee kaa nɔ́ nɛ Bɔfo ɔ kɛ tsɔɔ Mose ɔ, nɛ e mi nɛ a to tɛhi nɛ a ngma Kita Nyɔngma a ngɛ nɔ ɔ ngɛ. 45 Jeha komɛ a se benɛ Yosua nyɛɛ a hɛ mi nɛ a kɛ ma je li ɔmɛ hwu ta ngɛ zugba nɛ Mawu ha mɛ ɔ nɔ ɔ, kikɛmɛ a Bo Tsu nɛ ɔ nɔuu nɛ a hɛɛ be fɛɛ be hluu kɛ ba su Matsɛ David yi nɔ.

46 Nɛ David hɛ mi ba nyami ngɛ Mawu hɛ mi nɛ Mawu jɔɔ lɛ babauu. E bi Mawu ke e ha lɛ he blɔ nɛ e ma Sɔlemi Tsu nitsɛ kɛ ha lɛ Yakob Mawu ɔ. 47 Se Salomo mohu ji nɔ nɛ ma Sɔlemi Tsu ɔ ngɔ ha Mawu. 48 Se kɛ ɔ, Mawu hí Sɔlemi Tsuhi nɛ a ma kɛ nine ɔ mi, kaa bɔ nɛ e de kɛ gu gbali ɔmɛ a nɔ ke, 49 ‘Ye Matsɛ sɛ ji hiɔwe, nɛ ye nane si sɛ ji zugba a. Mɛni tsu kulaa nɛ nyɛ ma nyɛ ma kɛ ha mi? Anɛ ma hwɔ jamɛ a tsu ɔ mi lo? 50 Anɛ pi imi nɛ i bɔ hiɔwe kɛ zugba a lo?’