1 E phuv savi sas e kockava podelime e Judaće plemenošće pale lenđe familije, inzarelas pe po jugo dži ke Edomsko granica thaj dži ke pustinja Cin, savi si po krajo e jugosko.

2 Lenđi južno granica počnilas katar o zaliv po južno krajo e Mule moresko, 3 džalas majdur južno thaj naćhelas prekal o brego Akrabim, thaj majdur dži ko Cin, thaj askal džalas opre južno katar o gav Kadeš-Barnea. Okotar džalas majdur dži ko Hecron, opre dži ko Adar thaj banđarelas dži ke Karka 4 thaj majdur dži ko Acmon. Okotar izbilas po Egipatsko potok thaj završilas po Sredozemno more. Godova avela tumenđe e južno granica.

5 E istočno granica sas o Mulo more sa dži ko than kaj o Jordan džal ande leste.

E severno granica počnilas katar o morsko zaliv kaj o Jordan džal ando Mulo more, 6 pa džalas opre dži ko Bet-Hogla thaj majdur severno katar o Bet-Arava thaj džalas opre dži ko Bohanesko bar. O Bohan sas čhavo e Ruvimesko. 7 Okotar e granica džalas opre katar e dolina Ahor dži ko Devir thaj banđarelas po sever dži ko Gilgal, savo dićhel po brego Adumim južno katar o potoko. Askal džalas majdur dži ko paj En-Šemeš thaj završilas pe ke En-Rogel. 8 Okotar prekal e dolina Ben-Hinom katar o jugo vazdelas pe opre e južno rigava prema o gav e Jevusejengo savo akhardolas Jerusalim. Askal e granica vazdelas pes pe planina, zapadno katar e dolina Hinom savi si po severno krajo e dolinako Refaim. 9 Katar o vrho e planinako e granica džalas prema o izvor Neftoah, izbilas ke gava pe gora Efron thaj mućelas pe ko gav Vaala, savo akhardolas vi Kirjat-Jearim. 10 Katar o gav Vaala banđarelas po zapad dži ke gora Seir, pa džalas e severno rigava katar e gora Jearim, savi akhardolas vi Kesalon, mućelas pe dži ko Bet-Šemeš thaj majdur dži ko gav Timna. 11 Okotar e granica inkljelas pe severno rig katar o Ekron, džalas dži ko Šikron, thaj askal džalas majdur dži ke planina Vaala, thaj inkljelas ke Javneel thaj završilas pe po more.

12 E zapadno granica sas e obala katar o Sredozemno more.

Godova sas e granica oko e Judasko pleme pale lešće familije.

13 A e Kalevešće, e Jefunešće čhavešće, o Isus Navin dija deo maškar e Judaće čhave, gajda sar zapovedisardas lešće o GOSPOD: Kirjat-Arba, savo još akhardol Hevron. O Arba sas e Anakosko prapapo. 14 O Kalev andar o Hevron trada trin Anakošće potomkonen, e Šešaje, e Ahimane thaj e Talmaje, 15 thaj okotar teljardine pe manuša ando Devir, savo majsigo akhardolas Kirjat-Sefer.

16 O Kalev phendas: "Dava mungre čhora e Ahsa pale romnji okole manušešće savo napadnila o Kirjat-Sefer thaj zauzmil les."

17 Thaj zauzmisarda les o Otniel, o čhavo e Kenazesko, a o Kenaz sas phral e Kalevesko. Thaj o Kalev dija les pire čheja e Ahsa pale romnji. 18 Kana udajisali palo Otniel, voj nagovorisarda les te roden o polje katar lako dad.

E Ahsa đelitar dži ke piro dad, a kana fuljili katar o magarco, o Kalev phučla lat: "So kames?"

19 A voj phendas: "Moliv tut, blagoslovisar man! Kana dijan man e šući phuv ande južno pustinja, de man vi e izvorja e pajenca."

Gajda vo dija lat vi e oprune vi e telune izvorja.

20 Akava si o nasledstvo katar e Judasko pleme pale lenđe familije.

21 Akava si e gava ande Judasko pleme save počnin katar e granica e Edomesa po jugo:

o Kavceel, o Eder, o Jagur, 22 e Kina, e Dimona, e Adada, 23 o Kedeš, o Hacop, o Jitnan, 24 o Zif, o Telem, o Bealot, 25 o Hacor-Hadata, o Kerijot-Hecron savo akhardol još Hacor, 26 o Amam, e Šema, e Molada, 27 o Hacar-Gada, o Hešmon, o Bet-Palet, 28 o Hacar-Šual, e Beer-Ševa, e Bizjotja, 29 e Vaala, o Ijim, o Acem, 30 o Eltolad, o Kesil, e Horma, 31 o Ciklag, e Madmana, e Sansana, 32 o Levaot, o Šilhim, o Ajin thaj o Rimon – sa ukupno biš thaj inja gava thaj lenđe thana.

33 E gava ande ravnica po zapad sas:

o Eštaol, e Cora, e Ašna, 34 o Zanoah, o En-Ganim, o Tapuah, o Enam, 35 o Jarmut, o Adulam, o Soho, o Azeka, 36 o Šaarajim, o Aditajim, e Gedera thaj o Gederotajim – dešuštar gava thaj lenđe thana.

37 O Cenan, e Hadaša, o Migdal-Gad, 38 o Dilan, e Micpa, o Jokteel, 39 o Lahiš, o Bockat, o Eglon, 40 o Kabon, o Lahmas, o Kitliš, 41 o Gederot, o Bet Dagon, e Naama thaj e Makeda – dešušov gava thaj lenđe thana.

42 E Livna, o Eter, o Ašan, 43 o Jeftaj, e Ašna, o Neciv, 44 e Keila, o Ahziv thaj e Mareša – inja gava thaj lenđe thana.

45 O Ekron e okolne gavenca thaj e naselime thanenca, 46 zapadno katar o Ekron sa e gava paše ko Ašdod lenđe thanenca, 47 o Ašdod lešće gavenca thaj e naselime thanenca thaj e Gaza laće gavenca thaj e naselime thanenca sa dži ko Egipatsko potok thaj ko Sredozemno more.

48 E gava ande gorske krajurja sas:

o Šamir, o Jatir, o Soho, 49 o Dana, o Kirjat-Sana, savo akhardol još Devir, 50 o Anav, o Eštemo, o Anim, 51 o Gošen, o Holon, thaj o Gilo – dešujek gav thaj lenđe thana.

52 Askal, o Arav, o Ruma, o Ešan, 53 o Janum, o Bet-Tapuah, e Afeka, 54 e Humta, e Kirjat-Arba, savo akhardol još Hevron thaj o Cior – inja gava thaj lenđe thana.

55 O Maon, o Karmel, o Zif, e Juta, 56 o Jizreel, o Jokdeam, o Zanoah, 57 o Kajin, o Giva thaj e Timna – deš gava thaj lenđe thana.

58 O Halhul, o Bet-Cur, o Gedor, 59 o Maraat, o Bet-Anot thaj o Eltekon – šov gava thaj lenđe thana.

60 O Kirjat-Baal, savo akhardol još Kirjat-Jearim, thaj e Reba – duj gava thaj lenđe thana.

61 E gava ande pustinja sas:

e Bet–Arava, o Midin, e Sehaha, 62 o Nivšan, o Ir-Hamelah thaj o En-Gedi – šov gava thaj lenđe thana.

63 Ali e Judejcurja našti tradine e Jevusejcen save trajinas ando Jerusalim, gajda kaj e Jevusejcurja trajin okote lenca sa dži ađes.