1 Askal o Isus Navin akhardas e Ruvimesko, e Gadesko thaj opaš e Manasijesko pleme, 2 pa phendas lenđe: "Inćarenas sa so zapovedisardas tumenđe o Mojsije, o sluga e GOSPODESKO, a pokorinas tumen vi manđe ande sa so zapovedisardem tumenđe. 3 Či mukline tumare theme sa akaja lungo vrjama dži ađes ađeste, nego verno inćarenas e zapovedi save zapovedisardas tumenđe o GOSPOD, tumaro Del.

4 A akana, pošto o GOSPOD, tumaro Del, dija miro tumare phralenđe, sago vi kaj obećisarda, bolden tumen tumare ćherenđe ande phuv savi e GOSPODESKO sluga o Mojsije dija tumen pe istočno rig ke reka Jordan. 5 Samo lačhe len sama te inćaren e zapovedi thaj e zakonurja save dija tumen o Mojsije, o sluga e GOSPODESKO: te volin e GOSPODE, tumare Devle, te trajin ande sa sar vo kamel thaj inćaren lešće zapovedi, te čvrsto inćaren tumen pale leste thaj te služin lešće saste ileja thaj saste dušava."

6 Askal o Isus Navin blagoslovisarda len thaj von boldine pe pire ćherenđe. 7 Jećhe opašinaće e Manasiješće plemenošće o Mojsije majsigo dija e phuv ando nasledstvo ando Bašan, pe istočno rig e reka Jordanošći, a aver opašinaće o Isus Navin dija e phuv maškar lenđe phral, pe zapadno rig e reka Jordanošći.

Kana o Isus Navin bičhalda len ćhere, blagoslovisarda len thaj phendas: 8 "Steknisardine baro barvalipe: but stoke, rup, sunakaj, bronza, sastri thaj zurale but drze. Bolden tumen ćhere thaj tumare phralenca podeli o pleno savo line katar tumare dušmaja."

9 Gajda e Ruvimesko, e Gadesko thaj opaš e Manasijesko pleme đeletar katar aver Izraelcurja save sas ando Šilo ande phuv Hanaan, te bolden pe ando Gilad, piri phuv savi steknisardine gajda sago kaj o GOSPOD zapovedisardas lenđe prekal o Mojsije.

10 Kana aresline ando Gelilot paše paše reka Jordan ande Hanaansko phuv, e Ruvimesko, e Gadesko, thaj opašin e Manasijesko pleme vazdine paše reka Jordan baro žrtveniko savo dićholas pe dadural. 11 Kana aver Izraelcurja ašundine kaj e Ruvimesko, e Gadesko, thaj opašin e Manasijesko pleme vazdine žrtveniko pe granica ande Hanaansko phuv, ando Gelilot paše dži ke reka Jordan, pe Izraelsko rig, 12 sasti Izraelsko zajednica ćida pe ando Šilo thaj kamline te teljaren protiv lende ando rato. 13 E Izraelcurja bičhaldine e Pinhase, savo sas čhavo e Eleazaresko savo sas rašaj, ke Ruvimesko, e Gadesko, thaj opašin e Manasijesko pleme ande phuv Gilad. 14 Lesa teljardine vi deš poglavarja, po jek andar svako izraelsko pleme, katar save sas svako šoro ande piro ćher maškar e izraelošće familijako.

15 Kana aresline ande phuv Gilad ke Ruvimesko, e Gadesko, thaj opašin e Manasijesko pleme, phendine lenđe: 16 "Gajda phenel sa e GOSPODEŠĆI zajednica: ‘Sar šaj gajda te izneverisardine e Izraelošće Devle? Sar šaj te boldine tumen katar o GOSPOD thaj te akana, pobunin tumen protiv leste thaj vazden žrtveniko? 17 Zar nas amenđe dosta kaj ćerdam bezah ando Peor? Katar godova bezeh či šilada men ni dži ađes ađeste, vi ako o smrto avilo pe GOSPODEŠĆI zajednica. 18 Zar akana bolden tumen katar o GOSPOD? Ako tumen ađes pobunin tumen protiv o GOSPOD, či li vi vo thejara holjavola pe sasti Izraelošći zajednica? 19 Ako si tumari phuv nečisto, naćhen akaring. Akate si e GOSPODEŠĆI phuv thaj akate si e GOSPODESKO Sveto šator. Len kotor phuv amendar. Samo na bunin tumen protiv o GOSPOD ni protiv amende, gajda kaj vazden pale tumende još jek žrtveniko. Kaj amen si već žrtveniko e GOSPODESKO, amare Devlesko. 20 Kana o Ahan čhavo e Zarijesko phagla e zapoved pale godova te skroz uništil pe o gav, či li o GOSPOD askal holjajlo pe sasti izraelsko zajednica? O Ahan askal sas mudardo zbog piro bezeh, ali vi aver sas mudarde lesa.’"

21 Askal e Ruvimesko, e Gadesko, thaj opašin e Manasijesko pleme odgovorisardine e poglavarenđe andar e Izraelošće plemenurja: 22 "O Del savo si pe sa e devla, o GOSPOD, o Del savo si pe sa e devla, o GOSPOD džanel thaj neka o Izrael džanel! Ako akava sas pobuna ili ako izneverisardam e GOSPODE, na te poštedina men ađes. 23 Ako vazdam amenđe žrtveniko te bolda men katar o GOSPOD thaj te po žrtveniko das žrtve paljenice ili đivešće žrtve ili e žrtve palo zajedništvo, neka korkoro o GOSPOD kaznil men. 24 Na, nego godova ćerdam e daratar kaj thejara tumare potomkurja phenena amare potomkonenđe: ‘So si tumen e GOSPODEJA, e Izraelošće Devleja? 25 O GOSPOD čhuta e reka Jordan sago e granica maškar amende thaj tumende e Ruvimovcurja thaj Gadovcurja! Tumen naštik te slavin e GOSPODE!’ Gajda tumare potomkurja šaj crdinesas amare potomkonen te či majbut čhon khan ko GOSPOD.

26 Zato phendam: ‘Hajde te pripremi men pale godova thaj te vazdas žrtveniko’, ali na pale žrtve paljenice thaj dine čhurjasa žrtve, 27 nego te avel svedočanstvo maškar tumende thaj amende thaj maškar o naraštaj savo avela, kaj čače služisa e GOSPODEŠĆE ande lesko svetište amare žrtvenca paljenicenca, žrtvenca save si dine čhurjasa thaj e žrtvenca palo zajedništvo. Gajda tumare potomkurja thejara naštik phenena amare potomkonenđe: ‘Tumen naštik te slavin e GOSPODE.’

28 Thaj još phendam: ‘Ako varekana gajda phenen amenđe ili amare potomkonenđe, bolda sa lenđe: "Dićhen akaja preslika e GOSPODEŠĆE žrtvenikošći savja ćerdine amare pradada, na pale žrtve paljenice thaj pale dine čhurjasa žrtve, nego svedočanstvo maškar amende thaj tumende." ’ 29 Dur te avel amendar te buni men protiv o GOSPOD thaj te bolda men lestar ađes, gajda kaj vazdas žrtveniko pale žrtve paljenice, đivešće žrtve thaj dine čhurjasa žrtve. Pale akala žrtve postojil samo jek žrtveniko e GOSPODESKO, amare Devlesko, a vo ačhel angle lesko Sveto šator."

30 O rašaj Pinhas thaj e poglavarja e izraelošće plemenenđe, save sas šorvale e izraelošće familijenđe, sas zadovoljne kana ašundine so phendine e Ruvimovcurja, e Gadovcurja thaj e Manasijevcurja. 31 Askal o Pinhas, čhavo e Eleazaresko savo sas rašaj, phendas e Ruvimovcenđe, e Gadovcenđe thaj e Manasijevcenđe: "Ađes džanas kaj si o GOSPOD maškar amende, kaj či izneverisardine e GOSPODE. Akana spasisardine e Izraelconen andar e GOSPODEŠĆE vas."

32 Pale godova o Pinhas, čhavo e Eleazaresko savo sas rašaj, thaj e Izraelošće poglavarja đeletar katar e Ruvimovcurja, thaj katar e Gadovcurja. Andar e phuv Gilad boldine pe ke Izraelcurja ando Hanaan thaj phendine lenđe pale sa so sas. 33 E Izraelcurja sas zadovoljne okoleja so ašundine pa blagoslovisardine e Devle thaj majbut či spominjinas o rato protiv e Ruvimovcurja thaj e Gadovcurja, niti te uništin e phuv ande savi von trajin. 34 A e Ruvimovcurja thaj e Gadovcurja akhardine o žrtveniko: "Svedočanstvo savorenđe amenđe kaj si o GOSPOD Del."