1 O GOSPOD phendas e Isus Navinešće: "Na dara thaj na obeshrabri tut. Le tusa sa e vojska, pa dža thaj napadni o Aj. Kaj predaiv ande ćire vas e Ajošće caro, lesko them, lesko gav thaj lešći phuv. 2 Ćer e Ajesa thaj lešće caresa isto so ćerdan e Jerihonesa thaj lešće caresa, samo kaj lengo barvalipe thaj lenđi stoka šaj len pale tumende. Majsigo katar sa, palal o gav čho zamka."

3 O Isus Navin thaj sa e vojska spremisajle te napadnin o Aj. Vo izabirisarda trijanda milje majlačhe ratnikurja thaj bičhalda len e raćava 4 akale alavenca: "Lačhe ašunen: Garadon palal o gav, ali na dur lestar thaj aven spremne. 5 A me thaj sa e vojska savi si manca, avasa paše pašo gav, pa kana von inkljen pe amende sago prvo data, amen lasa te našas angle lende. 6 Von teljarena pale amende, pa gajda crdasa len katar o gav, kaj von gndina kaj našas sago prvo data. Gajda dok amen našas angle lende, 7 tumen inkljen thaj zauzmin o gav. O GOSPOD tumaro Del, dela les ande tumare vas. 8 Kana zauzmin o gav, den les jag. Ćeren sa sar o GOSPOD phendas. Len sama te avel baš gajda. Godova si mungre zapovedi."

9 Askal o Isus Navin bičhalda len thaj von đele te čhon zamka. Čhutine pe maškar o Betel thaj o Aj, zapadno katar o Aj. A godoja rjat o Isus Navin ačhilo e vojskasa ando tabor.

10 Uštilo detharinako rano thaj ćida e vojska, pa vo thaj e izraelske starešine teljardine angle vojska karingal o Aj. 11 Sa e vojska savi sas lesa teljardine thaj aresline ando gav, pa utaborisajle severno katar o Aj, gajda sas dolina maškar lende thaj o Aj. 12 A o Isus Navin već majsigo lija oko pandž milje manuša thaj čhuta len sago zamka maškar o Betel thaj o Aj, zapadno katar o gav. 13 Gajda sas savora spremne – okola ando tabor severno katar o gav thaj okola save sas zamka zapadno lestar.

Godoja rjat o Isus Navin fuljisto ande dolina. 14 Kana e Ajosko caro godova dikhla, vo thaj sasti lešći vojska uštiline detharinako rano, pa brzo teljardine andar o gav karingal e dolina Arava, ande bitka e Izraelosa. Ali o caro či džangla kaj si lešće palal o gav postavime zamka. 15 O Isus Navin thaj sa e Izraelcurja teljardine te našen, sago kaj tradine len, pa našline karingal e pustinja. 16 O caro akharda sa e vojska andar o gav te džan ande potera pale lende. Gajda dok progoninas e Isuse Navine, đeletar dur katar o gav. 17 Ni jek manuš či ačhilo ni ando Aj ni ando Betel. Savora teljardine ande potera pale Izraelcurja, a o gav mukline putardo. 18 Askal o GOSPOD phendas e Isus Navinešće: "Uperi o koplje savo si ande ćiro vas karingal o Aj, kaj godova gav predaiva ande ćire vas."

Thaj o Isus Navin uperisarda o koplje karingal o Aj. 19 Čim inzarda o vas, e manuša save sas garade brzo hukline pe pungre thaj prastajine, dine ando gav, zauzmisardine les thaj dine les jag.

20 Kana e manuša andar o Aj boldine pe, dikhline sar o thuv andar o gav vazdel pe dži ko nebo. Ali našti te našline ni pe savi rig pošto e Izraelcurja, save našenas karingal e pustinja, akana boldine pe protiv lende. 21 Kaj, o Isus Navin thaj sa e Izraelcurja dikhline kaj e garade manuša zauzmisardine o gav thaj kaj andar leste vazdel pes o thuv, boldine pe thaj napadnisardine e manušen andar o Aj. 22 A askal vi okola andar o gav aviline angle lende, pa e manuša andar o Aj arakhline pe maškare e Izraelcurja, ćićidine katar liduj riga. E Izraelcurja napadnisardine len thaj ni jek lendar či ačhilo džudo niti našlo. 23 Ali e Ajošće caro astardine džude thaj andine les ko Isus Navin.

24 E Izraelcurja mudardine sa e manušen andar o Aj kaj progoninas len po polje thaj ande pustinja. Nakon so sa mudardine len e mačesa, boldine pe ando Aj thaj mudardine sa ando gav e mačesa. 25 Godova đes sas mudarde sa andar o Aj, dešuduj milje manuša thaj manušnja. 26 O Isus Navin či mukla o vas savo uperisarda o koplje sa dok či potpuno uništisardas savoren andar o Aj. 27 Ali e stoka thaj o barvalipe andar o gav e Izraelcurja line pešće, baš sago kaj o GOSPOD zapovedisarda e Isus Navinešće.

28 Gajda o Isus Navin dija jag o Aj* thaj pale uvek pretvorisarda les ande gomila ruševine, a godova than si vi ađes pusto. 29 A e Ajošće care mudarda pa unglada les palo kaš thaj mukla les te visil sa dži ke rjat. Kana pelo o kham, o Isus Navin zapovedisardas te fuljaren o telo katar o kaš thaj čhuden les angle gavesko vudar. Prekal leste čhudine bari gomila bara savi ačhel okote vi ađes.

30 Ande godoja vrjama o Isus Navin vazda pe gora Eval žrtveniko e GOSPODEŠĆE, e Izraelešće Devlešće, 31 gajda sago kaj o Mojsije, o sluga e GOSPODESKO, zapovedisardas e Izraelconenđe, sar si ramome ando Lil e Mojsiješće Zakonesko – o žrtveniko katar e bar save naj klesime e sastrune alatosa. Pe leste dine e GOSPODEŠĆE žrtve paljenice thaj e žrtve palo zajedništvo.

32 Okote, angle Izraelcurja o Isus Navin dija pe bara o Zakon savo ramosardas o Mojsije. 33 Sasto Izrael thaj lešće starešine, e nadglednikurja thaj e sudije, okola save aviline thaj okola save si bijande ando Izrael, ačhenas pe liduj riga katar o Kovčeg e GOSPODEŠĆE savezosko, e mujesa prema okola save inđarenas les, e rašajenca save si Leviturja. Opaš o them ačhelas angle gora Gerizim, a opaš angle gora Eval, sago kaj zapovedisardas o Mojsije, o sluga e GOSPODESKO, kana zapovedisardas te blagoslovil pe o izraelsko them.

34 Pale godova o Isus Navin pročitosardas sasto Zakon, e blagoslovurja thaj e proklestvurja baš sago kaj si ramome ando Lil e zakonesko. 35 O Isus Navin pročitosardas sa so o Mojsije zapovedisardas. Čhonas kan leste sasti Izraelsko zajednica, vi e manušnja thaj e čhavra, sago vi e strancurja save trajinas lenca.