1 Sasti izraelsko zajednica ćidine pe ando Šilo, pa okote vazdine o Šator e sastankosko. Vi ako e Izraelcurja pokorisardine sasti phuv, 2 ačhilo maškar lende još efta plemenurja save či dobisardine piro nasledstvo.

3 Zbog godova o Isus Navin phendas e Izraelconenđe: "Dži kaj oklevina te džan thaj zauzmin e phuv savi dija tumen o GOSPOD, Del tumare pradadengo? 4 Izaberin po trin manuša andar svako pleme, a me bičhalava len te džan pe sasti phuv thaj neka ramon pale late palo nasledstvo. Pa kana aven mande, 5 askal podelina e phuv pe efta talurja. E Judasko pleme ačhela ande piro područje po jugo, a e Josifešće plemenurja pe piro područje po sever. 6 A tumen ramon e phuv pe efta talurja, thaj o popis anen mande, a me čhudava e kocka akate anglo GOSPOD, amaro Del, te vo odlučil ko dobila savo talo. 7 E Leviturja či dobina khanči katar godoja phuv maškar tumende, kaj si lengo nasledstvo te služin e GOSPODEŠĆE sago rašaja. E Gadesko pleme, e Ruvimesko pleme, thaj e opašin e Manasijesko pleme već dobisardine piro nasledstvo, katar okoja istočno rig katar e reka Jordan, savi dija len o Mojsije o sluga e GOSPODESKO."

8 Askal e manuša spremisajle te teljaren, a o Isus Navin zapovedisarda lenđe te ramon e phuv. Phendas lenđe: "Džan thaj naćhen e phuvjasa thaj ramon lat pa askal aven mande, a me akate ando Šilo, anglo GOSPOD, čhudava e kocka pale tumende."

9 E manuša đele, nakhline e phuv thaj ramosardine lat ande knjige gav po gav, askal boldine pe ko Isus Navin ando tabor ando Šilo. 10 Askal o Isus Navin ando Šilo čhuda e kocka anglo GOSPOD thaj podelisardas e phuv e Izraelconenđe prema lenđe plemenurja.

11 E prvo kocka peli pe Venjaminesko pleme pale lenđe familije. E phuv savi sas lenđe dini sas maškar e Judašće thaj e Josifešće plemenurja. 12 Lenđi granica počnilas severno pe reka e Jordanošći thaj lelas pe opre e severno Jerihonske rigava, kroz e gore nastavil pe po zapad thaj završil ande pustinja Bet-Aven. 13 E granica okotar nastavilas karingal o Luz, godova si o Betel, e južno rigava, pa mućelas pe dži ko Atrot-Adar prekal e planina južno katar o Teluno Bet-Horon. 14 E granica askal banđarelas katar o zapad po jugo, katar e planina savi si južno katar o Bet-Horon thaj završilas ko Kirjat-Vaal, godova si Kirjat-Jearim, gav savo pripadil e Judašće plemenošće. Godova si e zapadno rig. 15 E južno rig počnilas katar o rubo e Kirjat-Jearim, inkljel po zapad pa džal dži ko izvor Neftoah. 16 E granica askal mućelas pe tele ke planina, pe okoja rig katar e dolina Ben-Hinom, pe severno rig ke dolina Refaim pa mućelas pe majdur ande dolina Hinom thaj džalas lungo e južno rigava e Jevusejenđe gaveja thaj mućelas pe dži ko En-Rogel. 17 Askal banđarelas po sever, džalas dži ko En-Šemeš, okotar džalas karingal o Gelilot, savo si pe okoja rig savi dićhel po brego Adumim, thaj mućel pe dži ko Bohanesko bar. O Bohan sas čhavo e Ruvimesko. 18 Okotar džalas dži ke severno rig savi dićhel pe Arava, pa e granica mućelas pe ande dolina Arava. 19 E granica džalas majdur e severno rigava katar o Bet-Hogla thaj završilas po zaliv e Mule moresko, kaj o Jordan džal ando more. Godova sas e južno granica. 20 A o Jordan sas e granica pe istočno rig.

Godola sas e granice save okružinas o nasledstvo katar e Venijaminešće plemenurja pale lenđe familije.

21 E gava save pripadinas e Venijaminešće plemenošće pale lenđe familije sas:

o Jerihon, e Bet-Hogla, o Emek-Kecic 22 e Bet-Arava, o Cemarajim, o Betel, 23 o Avim, e Para, e Ofpa, 24 o Kefar-Amona, o Ofni thaj e Geba – dešuduj gava lenđe thanenca. 25 O Givon, e Rama, o Beerot, 26 e Micpa, e Kefira, e Moca, 27 o Rekem, o Jirpeel, e Tarala, 28 e Cela, o Haelef, o Jevusejsko gav, savo sas o Jerusalim, o Givat thaj o Kirjat – dešuštar gava lenđe thanenca.

Godova sas nasledstvo e Venijaminešće plemenosko pale lešće familije.