1 Kana sa o them nakhlo prekal e reka Jordan, o GOSPOD phendas e Isuse Navinešće: 2 "Izabirin dešuduj manušen andar o them, po jek andar svako pleme, 3 thaj zapovedin lenđe te inkalen dešuduj bara maškare andar o Jordan, baš okote kaj ačhen e rašaja. Inđaren len tumenca, thaj čhon len po than kaj raćarena."

4 O Isus Navin akharda dešuduje manušen save odredisarda maškar e Izraelcurja, po jek andar svako pleme, 5 thaj phendas lenđe: "Džan maškare ando Jordan, anglo Kovčeg e GOSPODESKO, tumare Devlesko, thaj neka svako tumendar lel po dumo jek bar, po jek bar pale svako izraelsko pleme, 6 te avel znako maškar tumende. Kana tumare čhavra thejara phučen tumen: ‘So značin akala bara?’ 7 phenena lenđe: ‘E reka Jordan ačhili te thavdel anglo Kovčeg e GOSPODEŠĆE savezosko. Kana o Kovčeg dija ando Jordan, e paja e Jordanošće ačhile te thavden.’ Neka akala bara aven spomen palo Izraelsko them pale uvek."

8 E Izraelcurja ćerdine sago kaj o Isus Navin zapovedisardas lenđe. Line dešuduj bara maškaral andar e reka Jordan, po jek palo svako izraelsko pleme, sago kaj o GOSPOD phendas e Isuse Navinešće, pa inđardine e bara dži ko than kaj raćarena thaj okote čhutine len. 9 O Isus Navin čhuta aver dešuduj bara maškare ande reka Jordan, po than kaj ačhenas e rašaja save inđarenas o Kovčeg e savezosko. Godola bara ačhen okote vi ađes.

10 E rašaja save inđarenas o Kovčeg ačhile te ačhen maškare ando Jordan sa dok nas ćerdo sa so o GOSPOD zapovedisardas e Isuse Navinešće te phenel e themešće te ćerel – isto okova so o Mojsije zapovedisardas e Isuse Navinešće. O them ando siđaripe naćhenas prekal 11 thaj čim savora nakhline, nakhline vi e rašaja e GOSPODEŠĆE Kovčegosa thaj đele anglo them.

12 E manuša andar e Ruvimesko, Gadesko thaj opaš e Manasijesko pleme naoružime nakhline angle aver Izraelcurja, sago kaj o Mojsije zapovedisarda lenđe. 13 Varekaj katar štarvardeš milje manuša save sas spremne pale borba nakhline anglo GOSPOD te borin pes pe Jerihonske polja.

14 Godova đes o GOSPOD uzvisisarda e Isuse Navine angle jakha e sa Izraelešće. Dok sas džudo, e Izraelcurja poštuinas les isto sago kaj poštuinas vi e Mojsija.

15 O GOSPOD phendas e Isuse Navinešće:

16 "Zapovedisar e rašajenđe save inđaren o Kovčeg katar o svedočanstvo te inkljen andar o Jordano."

17 Thaj o Isus Navin zapovedisarda e rašajenđe: "Inkljen andar o Jordano!"

18 Askal e rašaja inkljistine andar e reka, inđarenas o Kovčeg e GOSPODEŠĆE savezosko. Thaj samo so e pungresa ačhile pe šući phuv, o paj e Jordansko bolda pes pe piro than thaj prelisajlo prekal e obala sago vi majsigo.

19 O them inkljisto andar e reka Jordan dešto đes ando prvo čhon thaj utaborisajlo ando Gilgal, ke istočno granica e Jerihonešći. 20 O Isus Navin čhuta ando Gilgal okola dešuduj bara save inkaldine andar o Jordan, 21 pa phendas e Izraelconenđe: "Kana tumare čhavra thejara phučen tumen: ‘So značin akala bara?’ 22 phenen lenđe: ‘O Izrael nakhlas prekal e reka Jordan pe šući phuv.’ 23 Kaj, o GOSPOD tumaro Del angla tumende šućarda e reka Jordan, dok či naćhen prekal late, baš sago kaj ćerda vi e Lole moreja kana angle amende šućarda les, dok či nakhlam pe okoja rig. 24 Ćerda godova te sa e thema pe phuv džanen kozom si e GOSPODESKO vas moćno thaj te tumen uvek daran katar o GOSPOD tumaro Del."