1 O GOSPOD phendas e Isuse Navinešće: 2 "Phen e Izraelonenđe: ‘Izabirin tumenđe gava save avena sklonište pale save phenavas tumenđe prekal o Mojsije. 3 Ako vareko slučajno mudarel varekas, šaj našel okote te zaštitil pe katar okova savo kamel te osvetil piro rat. 4 A kana našel ande jek katar akala gava, neka majsigo ačhel pe gavešće kapija thaj e gavešće starešinenđe phenel sa so sas. Von mućena les ando gav thaj dena les than kaj te trajil. 5 Ako e familija okolešći savo sas mudardo džan pale leste te osvetin o rat okolesko savo sas mudardo, e starešine godole gavešće či dena les lenđe. Von zaštitina les kaj pire pašutne či mudardas zato kaj mrzal les nego slučajno. 6 Neka okova savo si optužime palo mudaripe ačhel ande godova gav sa dok či inkljel po sudo angle zajednica ili dok či merel o baro rašaj savo si ande godoja vrjama. Tek askal šaj boldel pe ande piro gav thaj ande piro ćher ando gav andar savo našlo.’ "

7 E Izraelcurja palo sklonište izabirisardine akala gava: o Kedeš ande Galileja ande Neftalimešće gore, o Sihem ande Efremešće gore thaj o Kirjat-Arba, godova si o Hevron, ande Judašće gore. 8 A pe istočno rig ke reka Jordan, istočno katar o Jerihon, izabirisardine o Becer ande pustinja, pe visoravan savi pripadilas e Ruvimešće plemenošće, o Ramot ando Gilad, savo pripadilas e Gadešće plemenošće thaj o Golan ando Bašan, savo pripadilas e Manasiješće plemenošće.

9 Godola gava e Izraelcurja odabirisardine te ande lende šaj sklonin pe savora, e Izraelcurja ili e strancurja save trajin maškar lende. Ko god lendar varekas mudarel slučajno, šaj našel okote, te okova savo kamel te osvetil piro rat či mudarel les majsigo nego so inkljel po sudo angle zajednica.