1 O Isus Navin ćida sa e Izraelošće plemenurja ando Sihem. Akharda e Izraelošće starešinen, poglavaren, sudijen thaj e nadglednikonen pa von ačhiline anglo Del.

2 O Isus Navin phendas sa e themešće: "Gajda phenel o GOSPOD, o Del e Izraelosko: ‘Ande purani vrjama tumare pradada sago vi o Tara, e Avramesko thaj e Nahoresko dad, trajinas pe okoja rig ke reka Eufrat thaj služinas e aver devlenđe. 3 Ali me inđardem tumare pradade e Avrame okotar, katar okoja rig e reka Eufrat, nakhadem les kroz e sasti phuv Hanaan thaj dijem les baro potomstvo. Dijem les čhave e Isaako, 4 a e Isaakošće e Jakove thaj e Isave. E Isavešće dijem e Seirsko gora, a o Jakov thaj lešće čhave đeletar ando Egipat. 5 Askal okote bičhaldem e Mojsija thaj e Arone thaj dijem dab e Egipćanen e bare nevoljenca, a pale godova inkaldem tumen okotar.

6 Kana inkaldem tumare pradaden andar o Egipat, aresline dži ko more. Ali e Egipćanurja progoninas tumare pradaden e borbene vordonenca thaj e manušenca pe gras sa dži ko Lolo more. 7 Kana zavapisardine e GOSPODEŠĆE, vo maškar tumende thaj maškar e Egipćanurja čhuta kalo oblako thaj pe lende sklopisardas o more savo učharda len. A tumen tumare jakhenca dikhline so ćerdas e Egipćanenca. Pale godoja lungo vrjama trajinas ande pustinja.

8 Pale godova andem tumen ande phuv e Amorejcenđi, save trajinas istočno katar e reka Jordan. Von napadnisardine tumen, ali me predaisardem len ande tumare vas. Uništisardem len angle tumende, a tumen zauzmisardine lenđe phuv.

9 Kana o Valak, o čhavo e Ciporesko, savo sas Moavesko caro, spremisajlo te napadnil e Izraelconen, bičhalda palo Valaam, o čhavo e Veorosko, te del tumen romaja. 10 Ali me či kamlem te čhav kan ko Valaam, pa vo korkoro blagoslovisarda tumen. Gajda izbavisardem tumen andar lešće vas.

11 Askal nakhline prekal e reka Jordan thaj aviline dži ko Jerihon. E manuša andar o Jerihon borisajle protiv tumende, sago vi e Amorejcurja, Perižancurja, Hanaancurja, Hetitcurja, Girgašanurja, Hivijcurja thaj e Jevusejcurja, ali me predaisardem len ande tumare vas. 12 Angle tumende bičhaldem e bari dar thaj godoja dar, a na ćiro mačo ili o luko, trada okola duj amorejske carurja. 13 Dijem tumen e phuv oko savi či trudisajle thaj e gava save či vazdine tumen, thaj tumen trajin ande lende, thaj han e plodurja andar o vinograd thaj andar o masleniko save tumen či posadisardine.’

14 Zato daran e GOSPODESTAR thaj služin lešće iskreno thaj verno. Crden tumendar majdur e devlen save tumare pradada slavinas pe okoja reka Eufrat thaj ando Egipat thaj služin e GOSPODEŠĆE. 15 Ali, ako či sviđol pe tumenđe te služin e GOSPODEŠĆE, askal ađes odabirin kašće služina: e devlenđe savenđe služinas tumare pradada pe okoja rig e reka Eufrat ili e Amorejcenđe devlenđe, ande savenđi phuv trajin. A me thaj mungri familija služisa e GOSPODEŠĆE."

16 A e manuša phendine: "Dur te avel amendar te mukas e GOSPODE thaj te služis aver devlenđe! 17 Kaj, o GOSPOD, amaro Del, si okova savo amen thaj amare pradaden inkaldas andar o Egipat, kaj samas roburja thaj angle amare jakha ćerda okola bare čudurja. Vo lelas sama pe amende saste dromesa thaj arakhla men katar sa e thema paše save nakhasas. 18 O GOSPOD angle amende trada sa e themen, e Amorejcen save trajinas ande akaja phuv. Vi amen služisa e GOSPODEŠĆE, kaj si vo amaro Del."

19 Askal o Isus Navin phendas e themešće: "Tumen naj sen kadre te služin e GOSPODEŠĆE, kaj vo si sveto thaj či del pire themešće te slavin aver devlen. Či jartola tumenđe tumari pobuna thaj o bezah. 20 Ako mućen e GOSPODE thaj služin aver devlenđe, vo boldela pe protiv tumende, vi ako sas dži askal lačho prema tumende, pe tumende anela bibah thaj sa mudarela tumen."

21 A e manuša phendine e Isuse Navinešće: "Na, amen služisa e GOSPODEŠĆE!"

22 Askal o Isus Navin phendas: "Svedokurja sen korkoro protiv tumende kaj izabirisardine e GOSPODE, te lešće služin."

A o them phendas: "Svedokurja sam."

23 O Isus Navin phendas: "Askal akana crden tumendar majdur e aver devlen save si maškar tumende thaj saste ileja aven ko GOSPOD, Del e Izraelosko."

24 A o them phendas e Isus Navinešće: "Služisa e GOSPODEŠĆE, amare Devlešće, thaj pokorisa men lešće."

25 Godova đes o Isus Navin sklopisardas o savez e themesa thaj okote, ando Sihem, dija len e propisurja thaj e zakonurja. 26 Pale godova sa godova ramosarda ando lil e Devlešće zakonesko, pa lija jek baro bar thaj čhuta les okote talo hrasto paše dži ke GOSPODESKO svetište.

27 O Isus Navin phendas sa e themešće: "Ake akava bar avela svedoko protiv amende kaj ašundas sa so o GOSPOD phendas amenđe. Vo avela svedoko protiv tumende ako avena bi paćivale tumare Devlešće."

28 Askal o Isus Navin phendas e themešće te džantar pa svako bolda pe ande piro than savo nasledisardas.

29 Pale akala događaja, kana o Isus Navin o sluga e GOSPODESKO mulo, sas les šel thaj deš brš. 30 Prahosardine les ando krajo savo nasledisardas ando Timnat-Serah, ande Efremešće ando bregošće krajurja, severno katar e gora Gaaš.

31 E Izraelcurja služilas e GOSPODEŠĆE sa dok o Isus Navin sas džudo thaj dok sas džude e starešine save džanenas sa so o GOSPOD ćerda pale Izraelcurja.

32 E Josifešće kokala, save e Izraelcurja andine andar o Egipat, prahome si ando Sihem, pe okova kotor e phuvjako savo o Jakov ćinda pale šel rupune lovora katar e čhave e Hamorešće. O Hamor sas dad e Sihemesko. Thaj godova postanisarda nasledstvo e Josifešće potomkonengo.

33 Mulo vi e Aaronesko čhavo o Eleazar. Pa prahosardine les ande Giva, savi sas dini lešće čhavešće e Pinhasešće ande Efremešće gore.