1 Pale akava ašundine sa e carurja e themešće save trajin zapadno katar e reka Jordan. Godova sas e Hetiturja, Amorejcurja, Hanaancurja, Perižanurja, Hivijcurja, thaj Jevusejcurja, save trajin ande gorske krajurja, ande ravnica, thaj dur sar džalas e sasti obala katar o Sredozemno more dži ko Liban. 2 Lenđe carurja ćidine pe te zajedno džan ando rato protiv o Isus Navin thaj o Izrael.

3 A e manuša andar o Givon ašundine sa so o Isus Navin ćerda e Jerihonesa thaj e Ajesa. 4 Askal ćerdine pe lukave. Pe magarcurja čhutine purane gone thaj purane, pharade thaj zakrpime morćhane trjaste pale mol. 5 Line pe pungre purane thaj zakrpime sandale thaj pe peste line purane drze. Sa o mangro savo line pesa sago zaliha, sas purano thaj drobime. 6 Askal đeline ko Isus Navin ando tabor ando Gilgal thaj phendine lešće thaj e Izraelconenđe: "Avilam andar e dur phuv. Ćeren amenca savez."

7 A e Izraelcurja pučline godole Hivijcen andar o Givon: "A so ako trajin paše amende? Sar askal te ćeras savez tumenca?"

8 A von phendine e Isuse Navinešće: "Ćire sam sluge."

Von phučla len: "Ko sen tumen thaj katar aviline?"

9 Von phendine: "Amen, ćire sluge, avilam andar e zurale dur phuv, zato kaj ašundam palo GOSPOD, ćiro Del. Ašundam sa so ćerda ando Egipat 10 thaj pale sa so ćerda e duje amorejenđe caronenca istočno katar e reka Jordan: e Sihonesa savo sas caro ando Hešbon, thaj e Ogesa savo sas caro ando Bašan thaj savo vladilas ando Aštarot. 11 Zato amenđe amare starešine thaj sa e stanovnikurja ande amari phuv phendine: ‘Len zalihe hamasko palo drom, pa džan thaj araćhen tumen lenca thaj phenen lenđe: Tumare sam sluge. Ćeren savez amenca. ’ 12 Akava amaro mangro sas još tato kana lijam les ćheral okova đes kana teljardam tumende, a akana si, ake, purano thaj dobime. 13 Vi akala morćhane trjaste pale mol sas neve kana pherdam len, a akana, ake, si pharade. Vi e drze vi e sandale čhindile katar o lungo drom."

14 E Izraelcurja line te dićhen lengo habe, ali khanči pale godova či pučline e GOSPODE. 15 Askal o Isus Navin sklopisardas miro thaj savez lenca saveja dija pesko alav kaj mućela len te trajin ando miro, a e Izraelske starešine potvrdisardine godova e solahasa. 16 Ali trin đes nakon so ćerdine savez, e Izraelcurja saznajisarde kaj e Givoncurja si lenđe komšije thaj kaj trajin paše lende. 17 Zato e Izraelcurja teljardine po drom thaj trito đes aresline ande lenđe gava – ando Givon, Kefira, Beerot thaj Kirjat-Jearim. 18 Ali e Izraelcurja či napadnisardine len zato kaj e starešine andar e zajednica dine pe lenđe solah e GOSPODESA, e Izraelošće Devlesa.

E sasti zajednica počnisarda te gunđin pe starešine, 19 ali sa e starešine phendine: "Halam solah lenđe e GOSPODESA, e Izraelošće Devlesa thaj akana či tromas te čhas o vas pe lende. 20 Ake so ćerasa: mukasa len te trajin, te na avel pe amende e Devlešći holji ako phagas e solah savi dijam lenđe." 21 Phendine: "Mućen len te trajin, ali neka ćeren bući sago okola save čhinen kašta thaj anen paj pale sasti zajednica." Gajda e starešine odlučisardine pale lende.

22 Askal o Isus Navin akharda e Givoncen thaj phendas lenđe: "Sostar hohadine men gajda kaj phendine: ‘Trajisaras dur tumendar’, kana trajin paše amende? 23 Akana sen tale romaja: nikad či ačhena te služin sago okola save čhinen kašta thaj anen paj palo Ćher mungre Devlesko."

24 Von phendine lešće: "Amenđe ćire slugenđe, jasno sas mothodo kaj o GOSPOD, tumaro Del, zapovedisardas pire slugašće e Mojsiješće kaj del tumen sasti akaja phuv thaj kaj angle tumende uništil sa e manušen save trajin ande late. Zato zurale darajlam pale amare trajurja thaj zato gajda ćerdam. 25 Akana sam ande ćire vas. Ćer amenca gajda sar gndis kaj si lačhe thaj ispravno."

26 Thaj o Isus Navin agajda ćerda: spasisarda len andar e vas e Izraelconenđe thaj akala či mudardine len. 27 Godova đes o Isus Navin čhuta len te aven okola kaj čhinen kašta thaj anen paj pale sasti zajednica thaj pale GOSPODESKO žrtveniko po than savo o GOSPOD izabirila. Von si godova vi ađes.