1 Kana sa e amorejske carurja zapadno katar e reka Jordan thaj sa e hanaanske carurja ando primorje ašundine sar o GOSPOD šućarda e reka Jordan angle Izraelcurja dok akala či nakhline pe okoja rig e jordanošći, e dar dija ande lenđe ile thaj hasardine o hrabrost zbog e Izraelcurja.

2 Ande godoja vrjama o GOSPOD phendas e Isuse Navinešće: "Ćer čhurja katar o bar thaj palem obrežisar e Izraelcen."

3 Thaj o Isus Navin ćerda čhurja katar o bar, pa obrežisar e Izraelcen po Givat-Haaralot.* 4 Ake sostar godova ćerda: Sa save inkljistine andar o Egipat – sa e muškarcurja sposobne pale borba – muline dromesa dok džanas kroz e pustinja nakon so inkljistine andar o Egipat. 5 Sa o them savo inkljisto andar o Egipat sas obrezime, a okola save bijandile ande pustinja, po drom nakon so inkljistine andar o Egipat, nas obrezime. 6 E Izraelcurja štarvardeš brš lutinas ande pustinja, kaj či pokorinas pe e GOSPODEŠĆE. Ande pustinja muline savora save sas sposobne pale borba, save inkljistine andar o Egipat. O GOSPOD dija pe lenđe solah kaj či dićhena e phuv pale savi lenđe pradadenđe hala solah kaj dela lat amenđe, phuv ande savi thavdel o medo thaj o thud. 7 Gajda umesto lende vazda lenđe čhaven – okolen saven o Isus Navin obrezisarda. Nas obrezime kaj po drom či obrezisajle. 8 Kana sa o them sas obrezime, ačhile ando tabor dok či sastile.

9 Askal o GOSPOD phendas e Isus Navinešće: "Ađes fuljardem tumendar o egipatsko ladžavo."

Zato godova than vi ađes akhardol Gilgal.*

10 Tale rjat, dešuštarto đes godole čhonesko, e Izraelcurja slavisardine e Pasha dok sas utaborime ando Gilgal, pe Jerihonske poljane. 11 Đes kana nakhli e Pasha, baš pe godova đes, hanas katar o rodo okole phuvjako: bikvascosko mangro thaj peće kućina katar o điv. 12 Đes nakon so haline katar o rodo okole phuvjako, e mana či perelas majbut andar o nebo. Majbut nas mana pale Izraelcurja, nego godova brš hanas katar e plodurja e hanaansko phuvjatar.

13 Kana sas paše ko Jerihon, o Isus Navin vazda e jakha thaj dikhla sar angla leste ačhel o manuš e inkalde mačesa ando vas.

O Isus Navin avilo leste thaj phučla les: "San li tu amenca ili amare dušmanenca?"

14 A vo phendas lešće: "Na, me sem zapovedniko e GOSPODEŠĆE vojskako. Upravo avilem."

Pe godova Isus Navin pelo pe koča thaj poklonisajlo lešće, pa phučla les: "Gospodarina, so si tut te phenes ćire slugašće?"

15 A o zapovedniko pe GOSPODEŠĆI vojska phendas lešće: "Fuljar e pođimata katar ćire pungre, kaj o than pe savo ačhes si sveto."

Thaj o Isus Navin ćerda gajda.