3 ମୁସିଙ୍ଗ୍ ହୁଲାଙ୍ଗ୍ କୟିନ୍ ପିଡ଼ିରାଃ ଅମନ୍ ଜ ଆଉକେଦ୍ତେ ପ୍ରାଭୁଆଃ ନୁତୁମ୍ରେ ହିତାଜାଙ୍ଗ୍ରାଃ ଦାନ୍ ରାକାବ୍କେଦାଏ। 4 ଏନ୍ତେ ହାବିଲ୍ ହଁଗି ଆୟାଃ ମିଣ୍ଡି ଗୋଟ୍ରେନ୍ ସିଦା ଜାନାମ୍କାନ୍ ଚିମିନ୍ ମିଣ୍ଡିହନ୍ ଆଉକେଦ୍କଆଏ, ଓଡ଼ୋଃ ଇନ୍କୁକେ ମାଆଃକେଦ୍ତେ ଇନ୍କୁଆଃ ବୁଗିନ୍ ହିସାକେ ଦାନ୍ ରାକାବ୍କେଦା। ଏନାରେ ପ୍ରାଭୁ ହାବିଲ୍କେ ଓଡ଼ୋଃ ଆୟାଃ ଦାନ୍ ରାକାବ୍ତେୟାଃକେ ସୁକୁୟାନାଏ। 5 ମେନ୍ଦ ପ୍ରାଭୁ କୟିନ୍କେ ଓଡ଼ୋଃ ଆୟାଃ ଦାନ୍କେ କାଏ ସୁକୁୟାନା। ଏନାମେନ୍ତେ କୟିନ୍ ପୁରାଃଗି ଖିସ୍ୟାନା ଓଡ଼ୋଃ ଦୁକୁୟାନା। 6 ଏନ୍ତେ ପ୍ରାଭୁ କୟିନ୍କେ କାଜିକିୟା, "ଚିନାଃ ମେନ୍ତେମ୍ ଖିସ୍ଅଃ ତାନାଃ ? ଚିନାଃ ମେନ୍ତେମ୍ ଦୁକୁ ତାନାଃ ? 7 ଆମ୍ ବୁଗିନ୍ କାମି ରିକାଏରେଦ, ଆଇଙ୍ଗ୍ ଆମ୍କେ ସୁକୁମେୟାଇଙ୍ଗ୍। ମେନ୍ଦ ଆମ୍ ଏତ୍କାନ୍ କାମି ରିକାଏ ରେଦ, ଆମାଃ ଦୁହାର୍ରେ ପାପ୍ ହର ଛେକାଦ୍ମେୟାଏ, ଓଡ଼ୋଃ ଏନା ଆମାଃ ଚେତାନ୍ରେ ରାଇଜ୍ନାଙ୍ଗ୍ ସାନାଙ୍ଗେ, ମେନ୍ଦ ଆମ୍ ଏନାକେ ଜିତାଅ ଦାଡ଼ିୟାମ୍।"
Publicidade