ହାଗାକକେ ଯୋଷେଫ୍ ଆୟାଃ ପାରିଚାଏ ଉଦୁବ୍
1 ଯୋଷେଫ୍ ଆୟାଃ ହେପାଦ୍ରେ ତିଙ୍ଗୁକାନ୍ ହଡ଼କଆଃ ସାମ୍ନାଙ୍ଗ୍ରେ ଆପାନ୍କେ ସାହାତିଙ୍ଗ୍ କା ଦାଡ଼ିକେଦ୍ତେ କାଉରିକେଦ୍ଲଃ କାଜିକେଦାଏ, "ସବେନ୍କକେ ଆଇଁୟାଃ ହେପାଦ୍ଏତେ ବାହାରି ଅଡଙ୍ଗ୍କପେ।" ଏନ୍ତେ ଆୟାଃ ହାଗାକ ଏସ୍କାର୍ ଏନ୍ତାଃରେ ତାଇୟାନାକ। ଯୋଷେଫ୍ ଇନ୍କୁଆଃ ସାମ୍ନାଙ୍ଗ୍ରେ ଆୟାଃ ପାରିଚାଏ ଏମ୍କେଦାଏ। 4 ଏନ୍ତେ ଯୋଷେଫ୍ ଆୟାଃ ହାଗାକକେ କାଜିକେଦ୍କଆ, "ଦାୟାକେଦ୍ତେ ଆଇଁୟାଃ ହେପାଦ୍ତେ ହିଜୁଃପେ।" ଇନ୍କୁ ହେପାଦ୍ତେ ହିଜୁଃୟାନ୍ ହରାତେ ଇନିଃ କାଜିକେଦାଏ, "ଆଇଙ୍ଗ୍ ଆପେୟାଃ ହାଗା ଯୋଷେଫ୍ ତାନିଙ୍ଗ୍, ଅକଏକେଚି ଆପେ ମିସାର୍ତେ ସେନଃ ତାଇକେନ୍ ହଡ଼କତାଃରେ ଆଖ୍ରିଙ୍ଗ୍ କାଇତାଇକେନାପେ। 5 ଆପେ ଆଇଙ୍ଗ୍କେ ନେତାଃ କୁଲ୍ ନାଙ୍ଗ୍ ଆଖ୍ରିଙ୍ଗ୍କିୟାଁପେ ମେନ୍ତେ ଆଲ୍ପେ ଦୁକୁନାଃ, ଚାଏ ଆପ୍ନାଃ ଚେତାନ୍ରେ ଖିସ୍ ଆଲପେ ରିକାନାଃ। ଚିଆଃଚି ପାର୍ମେଶ୍ୱାର୍ ପୁରାଃ ହଡ଼କଆଃ ଜୀଉବାଞ୍ଚାଅ ନାଗେନ୍ତେ ଆଇଙ୍ଗ୍କେ ସିଦାରେ କୁଲ୍କେଦିୟାଁ।
15 ଯୋଷେଫ୍ ଆୟାଃ ଏଟାଃ ହାଗାକକେ ଚଅଃତାନ୍ଲଃ ରାଆଃକେଦାଏ। ଏନ୍ତେ ଆୟାଃ ହାଗାକ ଇନିଃଲଃ ଜାଗାର୍ ଏଟେଦ୍କେଦାକ।