ଏନେଟେଦ୍‌ 47

7 ଏନ୍ତେ ଯୋଷେଫ୍‌ ଆୟାଃ ଆପୁ ଯାକୁବ୍‌କେ ଫାରୋତାଃ ଆଉକିୟାଏ, ଓଡ଼ୋଃ ଯାକୁବ୍‌ ଫାରୋକେ ଆଶିଷ୍‌କିୟା। 8 ଫାରୋ ଯାକୁବ୍‌କେ କୁଲିକିୟା, "ଆମାଃ ଚିମିନ୍‌ ବାରାଷ୍‌ ହବାଅଃତାନା ?"

9 ଯାକୁବ୍‌ ଫାରୋକେ କାଜିକିୟା, "ତିସିଙ୍ଗ୍‌ ଜାକେଦ୍‌ ଆଇଁୟାଃ ୧୩୦ ବାରାଷ୍‌ ହବାଅଃତାନା। ଆଇଁୟାଃ ପୁର୍‌ଖା ଆପୁକଆଃ ବାରାଷ୍‌ଲଃ ଜକାଲେରେ ଆଇଁୟାଃ ବାରାଷ୍‌ ହୁଡିଙ୍ଗ୍‌ଗିୟା ଓଡ଼ୋଃ ପୁରାଃଗି ଦୁକୁତେ ପେରେଜାକାନା।" 10 ଏନ୍ତେ ଯାକୁବ୍‌ ଫାରୋକେ ଆଶିଷ୍‌କେଦ୍‌ତେ ଇନିଃତାଃଏତେ ବିଦା ଇଦିକେଦାଏ। 11 ଯୋଷେଫ୍‌ ଫାରୋରାଃ ଆନାଚୁ ଲେକାତେ ମିସାର୍‌ ଦିଶୁମ୍‌ରାଃ ପୁରାଃ ବୁଗିନ୍‌ ପାର୍‌ଗାନ୍‌ ରାମିଷେଷ୍‌ ନାଗାର୍‌କେ ଆୟାଃ ଆପୁ ଓଡ଼ୋଃ ହାଗାକକେ ଏମାଦ୍‌କଆ। 12 ଯୋଷେଫ୍‌ ଆୟାଃ ଆପୁ, ହାଗାକ, ଓଡ଼ୋଃ ଅଡ଼ାଃରେନ୍‌ ସବେନ୍‌କକେ ଜମେୟାଁଃ ଏମାଦ୍‌କଆଏ।