6 ଏନ୍ତେ ନୁହୁଁ ବାର୍ହିସି ତାୟମ୍ତେ ଦାଆଃ ଜାହାଜ୍ରେୟାଃ ଖିଡ଼୍କିକେ ନିଜ୍କେଦାଏ, 7 ଓଡ଼ୋଃ ମିଆଦ୍ କାଉଆକେ ଆଫିର୍କିୟା। ଏନ୍ତେ ଏନ୍ କାଉଆ ଦାଆଃ ପୁରା ଆଞ୍ଜେଦ୍ ଜାକେଦ୍ ନେତେହେନ୍ତେ ଆଫିର୍ ତାଇକେନାଏ। 8 ଆଡଃଗି ନୁହୁଁ ଅତେରେୟାଃ ଦାଆଃ ଆଞ୍ଜେଦ୍ୟାନା ଚି କାହା ଏନା ସାରି ନାଗେନ୍ତେ ମିଆଦ୍ ଦୁଦୁମୁଲ୍କେ କୁଲ୍କିୟା, 9 ମେନ୍ଦ ଅତେରେ ଚାରିଓସାଃ ଦାଆଃ ତାଇକେନ୍ ହରାତେ ଦୁଦୁମୁଲ୍ ଆୟାଃ କାଟାକେ ଦହନାଙ୍ଗ୍ ଠାୟାଦ୍ କାଏ ନାମ୍କେଦା, ଏନାତେ ଇନିଃ ଦାଆଃ ଜାହାଜ୍ ହେପାଦ୍ତେ ରୁହାଡ଼୍ୟାନା, ଏନ୍ତେ ନୁହୁଁ ଆୟାଃ ତିଃଇ ଜିଲିଙ୍ଗ୍କେଦ୍ତେ ଦୁଦୁମୁଲ୍କେ ଦାଆଃ ଜାହାଜ୍ ଭିତାର୍ତେ ଇଦିକିୟା। 10 ଏୟା ହୁଲାଙ୍ଗ୍ ଜାକେଦ୍ ତାଙ୍ଗିକେଦାଏ ଏନ୍ତେ ଦୁଦୁମୁଲ୍କେ ଆଡଃମିସା ଆଫିର୍କିୟାଏ। 11 ଏନ୍ତେ ସିଙ୍ଗିହାସୁର୍ ଇମ୍ତା ଦୁଦୁମୁଲ୍ ରୁହାଡ଼୍ୟାନାଏ, ଓଡ଼ୋଃ ଇନିୟାଃ ଠର୍ରେ ଅଲିଭ୍ ଦାରୁରେୟାଃ ହାରିୟାର୍ ସାକାମ୍ ମିଆଦ୍ ତାଇକେନା, ଏନ୍ତେ ନୁହୁଁ ସାରିକେଦାଏ ଯେ ଅତେହେତେ ଦାଆଃ ଆଞ୍ଜେଦ୍କାନା। 12 ଓଡ଼ୋଃ ଏୟା ମାହା ତାୟମ୍ତେ ଏନ୍ ଦୁଦୁମୁଲ୍କେ ଆଡଃଗି ଆଫିର୍କିୟାଃ, ଏନ୍ତେ ଇନିଃ ଓଡ଼ୋଃ ଜାହାଜ୍ତେ କାଏ ରୁହାଡ଼୍ୟାନା।
Publicidade
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)