1 Fulasu le atokarubei lau ubunuruni houn haduheñu lani Hudá türibu, chülüti darí láfadaragun Edomu, luéigiñe suru, darí fulasu mageirawati le lani Sin. 2 Luéigiñe oubaü ligía, lagumesera láfadaragun lúmagiñe ichügü le luágubei ígirugu le luágunbei suru libiti barana hilaali, 3 léibaagua luagun suru luéigiñe lamudeirun Akürabímü, ásügüreina ligía luéigiñe fulasu mageirawati le lani Sin luma luagun suru libiti Kadesi-barünéa; lachülüra darí Esürón, lamudeira chülǘ Adarü, lagararaagua luagun Karüká, 4 le ñéingiñe lubéi lasigira darí Asümón, lun láfuridun luagun liraüraü lidunari Ehiptu, lagumucha lidan barana Mediteraniu. Ligía meha láfadaragunbei luéigiñe suru. 5 Luéigiñe oubaü le ñéingiñe lubéi laboucha weyu libiti Barana Hilaali fadaguaübei, darí lumoun Hordán. Ñéingiñe lagumesera fadaguaü le luéigiñebei Nórute, 6 lamudeira luéigiñe Betü-ogulá, lásügüra luéigiñe nórute libiti Betü-arawá, ñéingiñe lun luagun lidübüri Boán le liráü Rubén; 7 lárigiñe aba lamudeirun luéigiñe liwayatin Akoru, lun luagun Debirü, lagiribuda luagun Gilügáli, le ligibugiñebei lamudeirun Adumímü, luéigiñe suru libiti liraüraü duna; lárigiñe aba lásügürün luéigiñe lísensen duna le lani Eni-semesi, lasigira darí Rogeli. 8 Ábati lásügürün luéigiñe fulasu wayati le gíribei Ben-inomu, luéigiñe suru libiti lamudeirun Hebusu, lememe Herusalén; lamudeira luéigiñe lichügü wübü le luéigiñebei oubaü le ñeinhin lubéi lálüda weyu libiti fulasu wayati le lani Inomu, luéigiñe nórute libiti fulasu wayati le lani Refaímü, 9 lagararaagua lúmagiñe luéigiñe lichügüdina wübü, darí lísensen duna Nefütóa, lárigiñe, darí uburugu burí le lani wübü Efürón, lásügüra luéigiñe Baalá, le giñe gíribei Kiriatü-hearimü. 10 Baalagiñe, lagiribuda fadaguaü luagun oubaü le ñeinhin lubéi lálüda weyu, darí wübü Seirü, lásügüra luéigiñe Kesalón, luéigiñe nórute libiti Hearimü, lárigiñe aba laragachun darí Betü-sémesi, lásügüra luéigiñe Timüná 11 luéigiñe amudeiruni luagun nórute libiti Ekürón, legeyeda luagun Sikürón, lásügüra luéigiñe luwübüri Baalá, láfurida luagun Habünéli, lagumucha lidan barana Mediteraniu. 12 Agumuhóuni, barana Mediteraniu ligía fadaguaübei luéigiñe oubaü le ñeinhin lubéi lálüda weyu. Ligía burí láfadaragunbei fulasu le atokarubei houn lani Hudá türibu, le afanreinhóubei houn según haduheñu.

13 Ruti Hosué aban murusun lídangiñe hafulasun lani Hudá türibu lun Kalebü le liráü Hefuné. Kei buga lariñaguni Wabureme, ru lumuti Kiriatü-arüwá lun, lememe Ebürón. Lueirin-agei haburugute ladügawagun hígandei Anakü. 14 Ǘrüwañanu ladügawagun Anakü lasagarun Kalebü ñéingiñe: Sesai, Aimán luma Talümái. 15 Lárigiñe, aba lidin hawagun ha aganóubaña Debirü, le meha gíribei Kiriatü-séferü furumiñe, 16 aba lariñagun:

—Le ageindaguti ani gáñeilei uburugu le, níchuguboun niráü Áküsa lun, lun lúmarime.

17 Otoniéli le libase, le liráü Kenasi, ligía agañeirubalin uburugu, aba líchugunu Kalebü Áküsa to liráü lun, lun lúmarime. 18 Dan le háfurida lan lun houdin hábiñoun, aba lariñagun Otoniéli tun Áküsa lun tamuriahan múa lun ábunaguni luma túguchi. Ábati tararirun luéigiñe burigü, aba lariñagun Kalebü tun:

—Kagia babusenrubei?

19 Aba tóunabun:

—Busentina namuriahan aban fulesei buma. Kei rúhadibu lubéi múa nun lidan fulasu mageirawati Négebü, ruba giñe lísensen duna nun.

Aba líchuguni lísensen duna le íñugiñebei luma le ǘnabugiñebei tun.

20 Anihán burí hafulasun lani Hudá türibu le afanreinhóubei houn según hibe haduheñu. 21 Uburugu burí le atokarubei houn luéigiñe suru luagun láfadaragun Edomu: Kabüséeli, Éderü, Haguru, 22 Kiná, Dimoná, Adadá, 23 Kedesi, Asoru, Itünán, 24 Sifu, Télemü, Bealotu, 25 Asoru-adatá, Keriotu, Esürón (lememe gíribei Asoru) 26 Amán, Semá, Moladá, 27 Asarü-gadá, Esümón, Betü-péletü, 28 Asarü-suali, Bérüsewa, Bisotia, 29 Baalá, Imu, Ésemü. 30 Elitoládü, Kesili, Orumá, 31 Sikülágü, Madümaná, Sansaná, 32 Lebaotu, Silimü, luma Eni-rimón. Wein-nefu uburugu luma aüdü le yarafabei lun.

33 Uburugu burí le atokarubei houn lidan fulasu mawübüriti: Ésütaolu, Sorá, Asüná, 34 Sanóa, En-ganimü, Tapúa, Enamü, 35 Harümútu, Adulámü, Sokó, Aseká, 36 Saraimü, Aditaímü, Gederá, Gederotaimü, katorusu uburugu luma aüdü le yarafabei lun.

37 Uburugu burí Senán, Adasá, Migüdáli-gadü, 38 Dileán, Misüpá, Hokuteeli, 39 Lákisi, Bosukátü, Egülón, 40 Kabón, Lámamü, Kitülísi, 41 Gederótu, Betü-dagón, Naamá, luma Makedá, disisi uburugu lau burí aüdü le geyegubei lau.

42 Uburugu burí Libüná, Éterü, Asán, 43 Ífüta, Asüná, Nesibü, 44 Keilá, Aküsíbü luma Maresá, nefu uburugu lau burí aüdü le geyegubei lau.

45 Uburugu Ekürón lau fulasu luma burí aüdü le geyegubei lau, 46 lúmagiñe Ekürón dagá lumoun barana, sun múa le yarafabei lun Asüdódu, lau burí aüdü le geyegubei lau.

47 Uburugu Asüdódu lau fulasu luma aüdü le lídanbei, uburugu Gasa lau fulasu luma aüdü le lídanbei, darí liraüraü lidunari Ehiptu luma lébeha barana Mediteraniu.

48 Uburugu burí le atokarubei houn lánigu Hudá lidan fulasu le gáraabuteti: Samirü, Hatirü, Sokó, 49 Daná, Kiriatü-saná (lememe gíribei Debirü), 50 Anabü, Ésütemoa, Animü, 51 Gosén, Olón luma Giló, unsu uburugu lau burí aüdü le geyegubei lau.

52 Uburugu Arabü, Dumá, Esán, 53 Hanumu, Betü-tapúa, Afeká, 54 Umutá, Kiriatü-arüwá (lememe gíribei Ebürón), luma Sioru, nefu uburugu lau burí aüdü le geyegubei lau.

55 Uburugu Maón, Karüméli, Sifu, Hutá, 56 Hesüreeli, Hokudeámü, Sanóa, 57 Kaín, Gibeá, Timüná, diisi uburugu lau burí aüdü le geyegubei lau.

58 Uburugu Alulu, Betü-suru, Gedoru, 59 Maaratü, Betü-anotu luma Elitekón, sisi uburugu lau burí aüdü le geyegubei lau.

60 Uburugu Kiriatü-baali (lememe gíribei Kiriatü-hearimü), luma Rabá lau burí aüdü le geyegubei lau.

61 Uburugu le atokarubei houn lidan fulasu mageirawati: Betü-arawá, Midín, Sekaká, 62 Nibüsán luburugute Salu luma En-gadü, sisi uburugu lau burí aüdü le geyegubei lau.

63 Siñá hamutiña ladügawagun Hudá Hebusuna ha aganóubaña Herusalén abugagua ñéingiñe, chülǘ lubeiti lumoun dan le, Herusalén haganawa Hebusuna hadan ladügawagun Hudá.