ಜೊಶುವಾ 16

ಎಫ್ರಾಯಿಮ್ ಅನಿ ಮನಸ್ಸೆಕ್ ದಿಸ್ ಬುಡ್ತಲ್ಯಾ ದಿಕ್ಕಾಕ್ ಜಾಗೊ ದಿಲ್ಲೆ

1 ಜೊಸೆಪಾಂಚ್ಯಾ ಘರಾನಾಚ್ಯಾಕ್ನಿ ಗಾವಲ್ಲ್ಯಾ ಜಾಗ್ಯಾಚಿ ಘಡಿ ಜೆರಿಕೊಚ್ಯಾ ಜಗ್ಗೊಳ್ ಜೊರ್ದಾನ್ ನ್ಹಯಿಚ್ಯಾ ದಂಡೆಕ್ ಶುರು ಹೊವ್ನ್, ಜೆರಿಕೊಚ್ಯಾ ದಿಸ್ ಉಗಾವ್ತಲ್ಯಾ ದಿಕ್ಕಾಚಿ ನ್ಹಯ್, ಬೆತೆಲಿಚ್ಯಾ ಅನಿ ಜೆರಿಕೊಚ್ಯಾ ಮದ್ದಿ ಹೊತ್ತೊ ಮಡ್ಡಿಚೊ ಜಾಗೊ, ಡಂಗಳ್, 2 ಬೆತೆಲಾತ್ನಾ ಲುಜಿಕ್ ಜಾತಾ, ಥೈತ್ನಾ ಅರ್ಕಿಯಾಂಚ್ಯಾ ಘಡಿಕ್ ಲಾಗುನ್ ಅಟಾರಿತಿಕ್ ಜಾತಾ. 3 ಥೈತ್ನಾ ಉತ್ರುನ್ಗೆತ್ ದಿಸ್ ಬುಡ್ತಲ್ಯಾ ದಿಕ್ಕಾಚ್ಯಾ ಯಪ್ಲೆಟ್ಯಾಂಚ್ಯಾ ಪ್ರಾಂತ್ಯಾಕ್ ಪಾವ್ನ್, ಖಾಲ್ತಿ ಹೊತ್ತ್ಯಾ ಬೆತ್ ಹಾರೊನಿಕ್ನಾ ಗೆಜೆರಿಕ್ ಜಾವ್ನ್ ಸಮುಂದರಾಚ್ಯಾ ದಂಡೆಕ್ ಸರ್ತಾ. 4 ಹಿ ಜೊಸೆಪಾಚಿ ಲೆಕಾ ಮನಸ್ಸೆ ಅನಿ ಎಫ್ರಾಯಿಮಾಚ್ಯಾ ಘರಾನಾಚ್ಯಾಕ್ನಿ ಗಾವಲ್ಲ್ಯಾ ಜಾಗ್ಯಾಂಚಿ ಘಡಿ.

ಎಪ್ರಾಯಿಮ್

5 ಎಫ್ರಾಯಿಮಾಚ್ಯಾ ಗೊತ್ರಾಕ್ನಿ ದೆಶಾಚಿ ದಕ್ಷಿನ್ ದಿಕ್ಕಾಚಿ ಘಡಿ, ಅಟಾರೊದ್ದಿಚ್ಯಾ ದಿಸ್ ಉಗಾವ್ತಲ್ಯಾ ದಿಕ್ಕಾಕ್ನಾ ವರ್‍ತಿ ಹೊತ್ತ್ಯಾ ಬೆತ್ ಹಾರೊನಿ ವೈನಾ ಸಮುಂದರಾಚ್ಯಾ ದಂಡೆಕ್ ಜಾವ್ನ್ ಸರ್ತಾ. 6 ತೆಚಿ ಉತ್ತರ್ ದಿಕ್ಕಾಚಿ ಘಡಿ, ಮಿಕೆತ್ ಮನ್ತಲ್ಯಾಕ್ಡೆ ಶುರು ಹೊವ್ನ್, ಜಾನೊಹಾಚ್ಯಾ ದಿಸ್ ಉಗಾವ್ತಲ್ಯಾ ದಿಕ್ಕಾಕ್ ಫಿರುನ್ ತಾನತ್ ಶಿಲೊ ಮನ್ತಲ್ಯಾಕ್ಡೆ ಪಾವ್ತಾ. 7 ಥೈತ್ನಾ ಜಾನೊಹ್ ಗಾಂವಾಚ್ಯಾ ದಿಸ್ ಉಗಾವ್ತಲ್ಯಾ ದಿಕ್ಕಾಚ್ಯಾ ವಾಟೆನ್ ಅಟಾರೊದ್ದ್ ಅನಿ ನಾರಾ ಮನ್ತಲ್ಯಾ ಗಾಂವಾಚ್ಯಾಕ್ನಾ ಉತ್ರುನ್ಗೆತ್, ಜೆರಿಕೊ ಪ್ರಾಂತ್ಯಾಕ್ ಲಾಗುನ್ ಜೊರ್ದಾನ್ ನ್ಹಯಿಚ್ಯಾ ದಂಡೆಕ್ ಸರ್ತಾ. 8 ಅನಿ ತೆಚಿ ಘಡ್ ತಪ್ಪುಹಾಕ್ನಾ ದಿಸ್ ಬುಡ್ತಲ್ಯಾ ದಿಕ್ಕಾಕ್ಡೆ ಜಾತಲ್ಯಾ ಕಾನಾ ನ್ಹಯಿಕ್ ಲಾಗುನ್, ಸಮುಂದರಾಚ್ಯಾ ದಂಡೆಕ್ ಸರ್ತಾ, ಹ್ಯೊಚ್ ಎಫ್ರಾಯಿಮ್ ಘರಾನಾಚ್ಯಾ ಗೊತ್ರಾಕ್ನಿ ಗಾವಲ್ಲೊ ಜಾಗೊ. 9 ತವ್ಡೆಚ್ ನಸ್ತಾನಾ, ಎಫ್ರಾಯಿಮ್ ಘರಾನಾಚ್ಯಾಕ್ನಿ, ಮನಸ್ಸೆಚ್ಯಾ ಘರಾನಾಂಚ್ಯಾ ಮದ್ದಿ ಎಗ್ಳೊಚ್ ಜಾಗೊ ಹೊವ್ನ್ ಉಲ್ಲಿ ಶಾರಾ ಅನಿ ತೆಂಚಿ ಗಾಂವಾ ಗಾವ್ಲಿ. 10 ತೆನಿ ಗೆಜೆರಿತ್ಲ್ಯಾ ಕಾನಾನ್ ಗಾರಾಕ್ನಿ ಪಳ್ಸುಕ್ ನಸಲ್ಲ್ಯಾ ಸಾಟ್ನಿ, ತೆನಿ ಅಜುನ್ ಪತರ್ಬಿ ಎಫ್ರಾಯಿಮಾಂಚ್ಯಾ ಮದ್ದಿ ಗುಲಾಮ್ ಗಿರಿಚಿ ಕಾಮ್ ಕರಿತ್ ಹಾತ್.