1 ಮಾನಾ ನುನಾಚೊ ಲೆಕ್ ಜೊಶ್ವಾನ್, ಕಾನಾನ್ ದೆಶ್ ಅನಿ ಜೆರಿಕೊ ಶಾರ್ ಬಗುಕ್ ಸಾಟ್ನಿ ಶಿಟ್ಟಿಮಿಕ್ನಾ ದೊನ್ ಗುಡಾಚಾರಿಯಾಕ್ನಿ ಧಾಡ್ಲ್ಯಾನ್, ತೆನಿ ಜಾವ್ನ್ ರಾಹಾಬ್ ಮನ್ತಲ್ಯಾ ಬಾಯ್ಕೊ ಮಾನ್ಸಿಚ್ಯಾ ಘರ್‍ಹಾತ್ ರಾಲ್ಯಾನಿ, 2 ಜೆರಿಕೊಚ್ಯಾ ರಾಜಾನ್ ಕೊನ್ಕಿ ಅಪ್ನಾಚಾ ದೆಸಾಕ್ ಗುಡಾಚಾರಿಯಾ ಯೆಲ್ಯಾತ್ ಮನುನ್ ಆಯ್ಕಲ್ಲ್ಯಾನ್. 3 ತಸೆ ಮನುನ್ ತೆನಿ ರಾಹಾಬಾಕ್, ತುಜ್ಯಾ ಘರ್‍ಹಾತ್ ಹೊತ್ತ್ಯಾ ಘವ್ಮಾನ್ಸಾಕ್ನಿ ಭಾಯ್ರ್ ಕಾಡ್, ತೆನಿ ಪುರಾ ದೆಶ್ ಫಿರುನ್ ಬಗುಕ್ ಯೆಲ್ಲೆ ಗುಡಾಚಾರಿಯಾ ಮನುನ್ ಸಾಂಗುನ್ ಧಾಡ್ಲ್ಯಾನ್. 4 ತ್ಯಾ ಬಾಯ್ಕೊಮಾನ್ಸಿನ್ ದೊಗ್ಯಾಕ್ನಿ ನಿಪ್ವುನ್ ಥವ್ನ್, ಯೆಲ್ಲ್ಯಾ ಲೊಕಾಕ್ನಿ, ತಿ ಲೊಕಾ ಮಾಜ್ಯಾ ಘರಾಕ್ ಯೆಲ್ಲಿ ಖರೆ ತೆನಿ ಖೈತ್ಲೆ ಮನುನ್ ಮಾಕಾ ಗೊತ್ತ್ ನತ್ತೆ, 5 ತೆನಿ ಕಾಳ್ಕಾತ್ ಗಾಂವಾಚೊ ದಡ್ಪೊ ಧಾಪ್ತಲ್ಯಾ ಎಳಾರ್ ಗೆಲೆ, ಖೈ ಗೆಲೆ ಮನುನ್ ಮಾಕಾ ಗೊತ್ತ್ ನಾ, ಲಗ್ಗುನಾ ಪಾಟ್ ಲಾಗುನ್ ಚಲಾ, ತೆನಿ ತುಮ್ಕಾ ಗಾವ್ತಿಲ್ ಮಟ್ಲಿನ್. 6 ಖರೆ ತಿನಿ ತ್ಯಾ ಮಾನ್ಸಾಕ್ನಿ ಮ್ಹಾಳ್ಯಾ ವರ್‍ತಿ ಪುಂಡಿಚ್ಯಾ ದೊರಿಯಾತ್ನಿ ನಿಪ್ವುನ್ ಥವಲ್ಲಿನ್. 7 ರಾಜಾಚ್ಯಾ ಲೊಕಾನಿ, ಶಾರ್ ಸೊಡ್ಲ್ಯಾನಿ, ತೆನಿ ಇಜ್ರಾಯೆಲಾತ್ನಾ ಯೆಲ್ಲ್ಯಾ ಗುಡಾಚಾರಿ ಲೊಕಾಕ್ನಿ ಜೊರ್ದಾನ್ ನ್ಹಯ್ ಪತರ್ ಹುಡಕ್ಲ್ಯಾನಿ, ತನ್ನಾ ಶಾರಾಚೊ ದಡ್ಪೊ ಧಾಪಲ್ಲೊ ಹೊತ್ತೊ. 8 ತಿ ಗುಡಾಚಾರಿಯಾ ಲೊಕಾ ಮ್ಹಾಳ್ಯಾ ವೈನಾ ಖಾಲ್ತಿ ಉತ್ರುಚ್ಯಾ ಪೈಲೆ ತೆಂಚೆಕ್ಡೆ ಗೆಲಿ. 9 ತಿನಿ ಮ್ಹಾಳ್ಯಾ ವರ್‍ತಿ ಚಡುನ್ ತೆಂಚ್ಯಾಕ್ಡೆ ಯೆವ್ನ್ ಸಾಂಗಲ್ಲೆ ಕಾಯ್ ಮಟ್ಲ್ಯಾರ್, ತುಮ್ಕಾ ಸರ್ವೆಸ್ಪರಾನ್ ಹಿ ಜಿಮಿನ್ ದಿಲಾ ಮನುನ್ ಮಾಕಾ ಗೊತ್ತ್ ಹಾಯ್, ಹ್ಯಾ ದೆಸಾತ್ಲಿ ಸಗ್ಳಿ ಲೊಕಾ ಲೈ ಭಿಂವಲ್ಲಿ ಹಾತ್. 10 ತುಮಿ ಇಜಿಪ್ತ್ ದೆಶ್ ಸೊಡುನ್ ಯೆತಾನಾ ಸರ್ವೆಸ್ಪರ್ ದೆವಾನ್ ತಾಂಬ್ಡೆ ಸಮುಂದರ್ ವಾಳ್ವುಲ್ಯಾನ್, ಅನಿ ತುಮಿ ಜೊರ್ದಾನ್ ನ್ಹಯ್ಚ್ಯಾ ತಿಕುಲ್ಯಾ ಸಿಹೊನ್ ಅನಿ ಒಗ್ ಮನ್ತಲ್ಯಾ ಅಮೊರಿತಾಂಚ್ಯಾ ರಾಜಾಕ್ನಿ ಮಾರಲ್ಲೆಬಿ ಅಮಿ ಆಯಿಕ್ಲಾಂವ್, 11 ಅಮ್ಕಾ ಲೈ ಭಿಂಯೆ ಕರ್ಲೆ, ತುಮ್ಚ್ಯಾ ವಿರೊದ್ ಲಡಾಯ್ ಕರ್ತಲೊ ಧೈರೊ ಅಮ್ಚ್ಯಾತ್ ಕೊನಾಕ್ಬಿ ನಾ, ತುಮ್ಚೊ ಸರ್ವೆಸ್ಪರ್ ಎಕ್ಲೊಚ್ ಮಳ್ಬಾಕ್ ಅನಿ ಜಿಮ್ನಿಕ್ ದೆವ್. 12 ತಸೆ ಹೊವ್ನ್ ಅತ್ತಾ ತುಮಿ ಮಾಕಾ ವಿಶ್ವಾಸ್ ಕರಿಸಾರ್ಕೆ ಎಕ್ ವಳಕ್ ದಿವ್ನ್, ಮಿಯಾ ತುಮ್ಕಾ ದಯಾ ದಾಕ್ವಲ್ಲ್ಯಾ ಸಾರ್ಕೆ ತುಮಿ ಮಾಕಾ ಅನಿ ಮಾಜ್ಯಾ ಬಾಬಾಚ್ಯಾ ಘರಾಚ್ಯಾಕ್ನಿ ದಯಾದಾಕ್ವುತಲೆ ಹೊವ್ನ್, 13 ತುಮಿ ಮಾಜ್ಯಾ ಬಾಯ್ ಬಾಬಾಕ್ನಿ ಅನಿ ಭಾವ್ ಭೆನಿಯಾಕ್ನಿ ಅನಿ ತೆಂಕಾ ಹೊತ್ತೆ ಸಗ್ಳೆಬಿ ನಾಶ್ ಕರಿನಸ್ತಾನಾ ಹುರ್ವುತ್ಯಾಸಿ ಮನುನ್ ಸರ್ವೆಸ್ಪರಾಚ್ಯಾ ನಾವಾರ್ ಆನ್ ಕರುನ್ ಸಾಂಗಾ, 14 ತನ್ನಾ ತ್ಯಾ ಮಾನ್ಸಾನಿ ತಿಯಾ ಅಮ್ಚಿ ಖಬರ್ ಕೊನಾಕ್ಬಿ ಸಾಂಗಿನಸ್ತಾನಾ ರಾಲ್ಯಾರ್ ಅಮಿ ತುಜ್ಯಾ ಜಿವಾಚಿ ಜವಾಬ್ದಾರಿ ಘೆತಾಂವ್, ಸರ್ವೆಸ್ಪರಾನ್ ಅಮ್ಕಾ ಹ್ಯೊ ದೆಶ್ ದಿಲ್ಲ್ಯಾ ತನ್ನಾ ಅಮಿ ಗೊಸ್ಟ್ ದಿಲ್ಲ್ಯಾ ಸಾರ್ಕೆ ತುಕಾ ಕಾಯ್ಬಿ ವಾಯ್ಟ್ ಕರಿನಸ್ತಾನಾ ಬರೆ ಬಗುನ್ಗೆತಾಂವ್ ಮಟ್ಲ್ಯಾನಿ. 15 ರಾಹಾಬಾಚೆ ಘರ್ ಶಾರಾಚ್ಯಾ ಭಿತ್ತಿಕ್ ಲಾಗುನ್ ಹೊತ್ತ್ಯಾ ಸಾಟ್ನಿ ತಿನಿ ತ್ಯಾ ಘವ್ಮಾನ್ಸಾಕ್ನಿ ದೊರಿ ದಿವ್ನ್ ಕಿಡ್ಕಿತ್ನಾ ಖಾಲ್ತಿ ಉತ್ರುಕ್ ಲಾವ್ಲಿನ್. 16 ಅನಿ "ಮಡ್ಡಿಚಾ ದೆಸಾಕ್ ಜಾವಾ, ನಾತರ್ ರಾಜಾಚಿ ಲೊಕಾ ತುಮ್ಕಾ ಹುಡ್ಕುನ್ ಕಾಡ್ತ್ಯಾತ್, ತಿನ್ ದಿಸ್ ಥೈಚ್ ನಿಪಾ ತೆನಿ ಪರ್‍ತುನ್ ಗೆಲ್ಲ್ಯಾ ಮಾನಾ ತುಮ್ಚ್ಯಾ ವಾಟೆನ್ ಜಾವಾ" ಮಟ್ಲಿನ್. 17 ತನ್ನಾ ತೆಂಚ್ಯಾತ್ಲ್ಯಾ ಎಕ್ಲ್ಯಾನ್ ತಿಕಾ, ಅಮಿ ಸಾಂಗಲ್ಲ್ಯಾ ಗೊಸ್ಟಿ ಸಾರ್ಕೆ ತಿಯಾ ಚಲಿನಸ್ಲ್ಯಾರ್, ತಿಯಾ ಅಮ್ಚ್ಯಾಕ್ನಾ ಘೆಟಲ್ಲ್ಯಾ ಗೊಸ್ಟಿಕ್ ಅಮಿ ಜವಾಬ್ದಾರ್ ನ್ಹಯ್, 18 ಅಬಕ್ ಅಮಿ ಹ್ಯಾ ದೆಸಾತ್ ಗುಸ್ತಾನಾ ತಿಯಾ ಅಮ್ಕಾ ಉತರಸಲ್ಲ್ಯಾ ಹ್ಯಾ ಕಿಡ್ಕಿಕ್ ತಾಂಬ್ಡೊ ದೊರೊ ಭಾಂದಲ್ಲೊ ರಾವ್ಚೊ, ಅನಿ ತುಜೆ ಬಾಯ್ ಬಾಬಾ, ಭಾವ್ ಭೆನಿಯಾ ಅನಿ ತುಜ್ಯಾ ಬಳ್ಗಾಚೆ ಸಗ್ಳೆ ತುಜ್ಯಾ ವಾಂಗ್ಡಾ ಹ್ಯಾ ಘರ್‍ಹಾತ್ ರಾವ್ಚೆ. 19 ಕೊನ್ ತರ್ ಘರ್‍ಹಾತ್ನಾ ಭಾಯ್ರ್ ಗೆಲ್ಯಾರ್, ತೆಚೆ ಮಾರುನ್ ತೆಚ್ಯಾ ಚುಕೆನ್ ಹೊತಾ, ಅನಿ ತೆಕಾ ಅಮಿ ಜವಾಬ್ದಾರ್ ನ್ಹಯ್, ಖರೆ ಕೊನ್ ತರ್ ಘರ್‍ಹಾತ್ ಘಾಯಾಳ್ ಹೊಲ್ಯಾರ್ ಅಮಿ ಜವಾಬ್ದಾರ್. 20 ತವ್ಡೆಚ್ ನಸ್ತಾನಾ, ಅಮಿ ಕಾಯ್ ಕರುಲಾಂವ್ ಮನುನ್ ತುಮಿ ಕೊನಾಕ್ ತರ್ ಸಾಂಗ್ಲ್ಯಾರ್, ಅಮಿ ಕರಲ್ಲ್ಯಾ ಆನಾಕ್ನಾ ಸುಟ್ಕಾ ಹೊತ್ಯಾಂವ್ ಮಟ್ಲ್ಯಾನಿ. 21 ತಿನಿ ಒಪ್ಪುನ್ ತೆಂಕಾ ಧಾಡ್ಲಿನ್, ತೆನಿ ಗೆಲ್ಲ್ಯಾ ಮಾನಾ ತಿನಿ ಕಿಡ್ಕಿಕ್ ತಾಂಬ್ಡೊ ದೊರೊ ಭಾಂದ್ಲಿನ್. 22 ಗುಡಾಚಾರಿ ಮಡ್ಡಿತ್ ಜಾವ್ನ್ ನಿಪ್ಲೆ, ರಾಜಾಚ್ಯಾ ಲೊಕಾನಿ ತೆಂಕಾ ತಿನ್ ದಿಸ್ ಸಗ್ಳ್ಯಾ ಡಂಗ್ಳಿತ್ ಹುಡಕ್ಲ್ಯಾನಿ, ಖರೆ ತೆನಿ ತೆಂಕಾ ಗಾಯ್ನಾ ಹೊತಾನಾ, ಜೆರಿಕೊಕ್ ಪರ್‍ತುನ್ ಯೆಲೆ. 23 ತನ್ನಾ ದೊಗೆ ಗುಡಾಚಾರಿ ಮಡ್ಡಿತ್ನಾ ಖಾಲ್ತಿ ಯೆವ್ನ್ ನ್ಹಯ್ ದಾಟುನ್ ನುನಾಚೊ ಲೆಕ್ ಜೊಶ್ವಾಕ್ಡೆ ಪರ್‍ತುನ್ ಗೆಲೆ, ಅನಿ ತೆನಿ ಥೈ ಹೊಲ್ಲೆ ಸಗ್ಳೆ ತೆಕಾ ಸಾಂಗ್ಲ್ಯಾನಿ. 24 ತವ್ಡೆಚ್ ನಸ್ತಾನಾ ತೆನಿ ತೆಕಾ, ಸರ್ವೆಸ್ಪರಾನ್ ಖರೆಚ್ ಬಿ ಸಗ್ಳೊ ದೆಶ್ ಅಮ್ಕಾ ದಿಲಾ ಮನ್ತಲೊ ವಿಶ್ವಾಸ್ ಅಮ್ಕಾ ಹಾಯ್, ಅನಿ ಥೈತ್ಲಿ ಸಗ್ಳಿ ಲೊಕಾ ಅಮ್ಕಾ ಭಿಂವಲ್ಲಿ ಹಾತ್ ಮಟ್ಲ್ಯಾನಿ.