1 ಸಗ್ಳಿ ಲೊಕಾ ಜೊರ್ದಾನ್ ದಾಟ್ಲಿ ತನ್ನಾ ಸರ್ವೆಸ್ಪರಾನ್ ಜೊಶ್ವಾಕ್, 2 ಬಾರಾ ಪಿಳ್ಗಿಚ್ಯಾ ಎಕೆಕ್ಲ್ಯಾಕ್ ಎಚುನ್ ಘೆವ್ನ್, 3 ತೆಂಕಾ ಜೊರ್ದಾನ್ ನ್ಹಯಿತ್ ಯಾಜಕ್ ಇಬೆಹೊತ್ತ್ಯಾ ಜಾಗ್ಯಾ ವೈನಾ ಬಾರಾ ಗುಂಡೆ ಘೆವ್ನ್, ಆಜ್ ರಾತ್ತಿನ್ ವಸ್ತಿ ಕರ್‍ತಲ್ಯಾ ಜಾಗ್ಯಾರ್ ಇಬೆ ಕರುನ್ ಥವ್ಕ್ ಹುಕುಮ್ ದಿ, ಮಟ್ಲ್ಯಾನ್. 4 ತನ್ನಾ ಜೊಶ್ವಾನ್, ಅಪ್ನಿ ಎಚಲ್ಲ್ಯಾ ಇಜ್ರಾಯೆಲಾಚ್ಯಾ ಬಾರಾ ಲೊಕಾಕ್ನಿ ಬಲ್ವುನ್ ತೆಂಕಾ, 5 ತುಮಿ ತುಮ್ಚ್ಯಾ ಸರ್ವೆಸ್ಪರಾಚ್ಯಾ ಕರಾರಾಚ್ಯಾ ಪೆಟಿಚ್ಯಾ ಫಿಡೆ ಜೊರ್ದಾನ್ ನ್ಹಯಿತ್ ಜಾವ್ನ್ ಇಜ್ರಾಯೆಲ್ ಲೊಕಾಂಚ್ಯಾ ಘರಾನಾಂಚ್ಯಾ ಅಂಕ್ಯಾಕ್ ಸಮಾ ಹೊಯ್ ಸಾರ್ಕೆ ಎಕೆಕ್ ಗುಂಡೊ ಎಚುನ್ ಖಾಂಜಾರ್ ವಾವುನ್ ಘೆವ್ನ್ ಯೆವಾ. 6 ಹೆ ಗುಂಡೆ ಸರ್ವೆಸ್ಪರಾನ್ ತುಮ್ಚ್ಯಾ ಮದ್ದಿ ಕಾಯ್ ಕರ್ಲ್ಯಾನ್ ಮನ್ತಲ್ಯಾ ಯಾದಿಕ್, ಅನಿ ತುಮ್ಚ್ಯಾ ಪೊರಾನಿ ತುಮ್ಕಾ ಹೆ ಕಸ್ಲೆ ಗುಂಡೆ ಮನುನ್ ಇಚಾರ್‍ತಾನಾ, 7 ತುಮಿ ತೆಂಕಾ, ಸರ್ವೆಸ್ಪರಾಚಿ ಕರಾರಾಚಿ ಪೆಟಿ ಜೊರ್ದಾನ್ ನ್ಹಯ್ ದಾಟ್ತಾನಾ, ತೆಂಚ್ಯಾ ಫಿಡೆ ಜೊರ್ದಾನಾಚಿ ಹೊಂವ್ತಲಿ ನ್ಹಯ್ ಇಬೆರಾಲಿ, ಮನುನ್ ಸಾಂಗಾ, ಜೊರ್ದಾನಾಚೆ ಪಾನಿ ತೆನಿ ದಾಟಿ ಪತರ್ ಇಬೆ ಹೊತ್ತೆ ಮನ್ತಲ್ಯಾಕ್ ಹೆ ಗುಂಡೆ ಇಜ್ರಾಯೆಲ್ ಲೊಕಾಕ್ನಿ ಸದಾಸರ್ವತಾಕ್ ಸಾಕ್ಷಿ ಹೊವ್ನ್ ರ್‍ಹಾತಾತ್ ಮಟ್ಲ್ಯಾನ್. 8 ಲೊಕಾನಿ ಜೊಶ್ವಾಚೊ ಹುಕುಮ್ ಸರ್ವೆಸ್ಪರಾನ್ ಸಾಂಗಲ್ಲ್ಯಾ ಸಾರ್ಕೆ ಪಾಳ್ಯಾನಿ, ತೆನಿ ಬಾರಾ ಗುಂಡೆ ಜೊರ್ದಾನಾಚ್ಯಾ ಮದ್ನಾ ಎಚ್ಲ್ಯಾನಿ, ಅನಿ ಎಕೆಕ್ ಘರಾನಾಚ್ಯಾನ್ ಎಕೆಕ್ ಗುಂಡೊ ಘೆವ್ನ್ ಅಪ್ನಿ ವಸ್ತಿ ರ್‍ಹಾತಲ್ಯಾ ಜಾಗ್ಯಾರ್ ನೆವ್ನ್ ಪುರ್ಲ್ಯಾನಿ. 9 ತವ್ಡೆಚ್ ನಸ್ತಾನಾ ಜೊಶ್ವಾನ್ ಬಿ ಜೊರ್ದಾನ್ ನ್ಹಯಿಚ್ಯಾ ಮದ್ದಿ ಯಾಜಕಾ ಕರಾರಾಚಿ ಪೆಟಿ ಘೆವ್ನ್ ಇಬೆ ಹೊತ್ತ್ಯಾ ಜಾಗ್ಯಾರ್ ಬಾರಾ ಗುಂಡೆ ಇಬೆಕರುನ್ ಥವ್ಲಾನ್, ತೆ ಆಜುನ್ ಪತರ್ ಬಿ ಥೈಚ್ ಹಾತ್. 10 ಮೊಯ್ಜೆನ್ ಹುಕುಮ್ ದಿಲ್ಲ್ಯಾ ಸಾರ್ಕೆ, ಜೊಶ್ವಾನ್ ಲೊಕಾಕ್ನಿ ಸಾಂಗಲ್ಲಿ ಸರ್ವೆಸ್ಪರಾಚಿ ಹುಕುಮಾ ಪಾಳುನ್ ಸರಿ ಪಾತರ್ ಬಿ ಕರಾರಾಚಿ ಪೆಟಿ ಘೆಟಲ್ಲಿ ಯಾಜಕಾ ಜೊರ್ದಾನ್ ನ್ಹಯಿಚ್ಯಾ ಮದ್ದಿಚ್ ಇಬೆ ಹೊತ್ತ್ಯಾನಿ, ತನ್ನಾ ಲೊಕಾನಿ ಲಗ್ಗುನಾ ನ್ಹಯ್ ದಾಟ್ಲ್ಯಾನಿ. 11 ಸಗ್ಳಿ ಲೊಕಾ ದಾಟುನ್ ದಂಡೆಕ್ ಪಾವಲ್ಲ್ಯಾ ತನ್ನಾ ಯಾಜಕಾನಿ ಕರಾರಾಚಿ ಪೆಟಿ ಘೆವ್ನ್ ನ್ಹಯ್ ದಾಟುನ್ ಲೊಕಾಂಚ್ಯಾ ಫಿಡೆ ಗೆಲ್ಯಾನಿ. 12 ರುಬೆನ್, ಗಾದ್ ಅನಿ ಮನಸ್ಸೆಚ್ಯಾ ಘರಾನಾಚಿ ಅರ್ದಿ ಲೊಕಾ ಮೊಯ್ಜೆನ್ ಹುಕುಮ್ ದಿಲ್ಲ್ಯಾ ಸಾರ್ಕೆ ಲಡಾಯಿಕ್ ತಯಾರ್ ಹೊವ್ನ್ ಇಜ್ರಾಯೆಲಾಂಚ್ಯಾ ಫಿಡೆ ನ್ಹಯ್ ದಾಟ್ಲ್ಯಾನಿ. 13 ತೆನಿ ಲೈ ಕರುನ್ ಚಾಳಿಸ್ ಹಾಜಾರ್ ಲೊಕಾ ಲಡಾಯಿಕ್ ತಯಾರ್ ಹೊವ್ನ್ ಸರ್ವೆಸ್ಪರಾಚ್ಯಾ ಫಿಡೆ ಜೆರಿಕೊಚ್ಯಾ ಮಾಳ್ ಜಾಗ್ಯಾಕ್ ಪಾವ್ಲ್ಯಾನಿ. 14 ತ್ಯಾ ದಿಸಿ ಸರ್ವೆಸ್ಪರಾನ್ ಜೊಶ್ವಾಕ್, ಇಜ್ರಾಯೆಲಾಂಚ್ಯಾ ಇದ್ರಾಕ್ ಮಾನ್ ಕರಲ್ಲ್ಯಾ ಸಾಟ್ನಿ ತೆನಿ ಮೊಯ್ಜೆಕ್ ಮರ್ಯಾದ್ ದಿಲ್ಯಾ ಸಾರ್ಕೆಚ್ ಹೆಕಾಬಿ ತೊ ಝಿತ್ತೊ ಹೊತ್ತ್ಯಾ ಸಗ್ಳ್ಯಾ ಎಳಾರ್ಬಿ ಮರ್ಯಾದ್ ದಿಲ್ಯಾನಿ. 15 ತನ್ನಾ ಸರ್ವೆಸ್ಪರಾನ್ ಜೊಶ್ವಾಕ್ಡೆ ಬೊಲುನ್, 16 ಕರಾರಾಚಿ ಪೆಟಿ ಘೆವ್ನ್ ಜಾತಲ್ಯಾ ಯಾಜಕಾಕ್ನಿ ಜೊರ್ದಾನ್ ನ್ಹಯಿತ್ನಾ ದಂಡೆಕ್ ಚಡ್ ಮನುನ್ ಹುಕುಮ್ ದಿ ಮನ್ತಾನಾ, 17 ಜೊಶ್ವಾನ್ ತಸೆಚ್ ಕರ್ಲ್ಯಾನ್. 18 ಅನಿ ಯಾಜಕಾ ನ್ಹಯ್ಚ್ಯಾ ದಂಡೆಕ್ ಪಾವಲ್ಲ್ಯಾ ತನ್ನಾ ನ್ಹಯ್ ಅನಿ ಪರ್‍ತುನ್ ಹೊಂವ್ಕ್ ಚಾಲು ಹೊಲಿ. 19 ಲೊಕಾನಿ ಪೈಲ್ಯಾ ಮ್ಹಯಿನ್ಯಾಚ್ಯಾ ಧಾವ್ಯಾ ದಿಸಿ ಜೊರ್ದಾನ್ ನ್ಹಯ್ ದಾಟುನ್, ಜೆರಿಕೊಚ್ಯಾ ದಿಸ್ ಉಗಾವ್ತಲ್ಯಾ ದಿಕ್ಕಾಚ್ಯಾ ಗಿಲ್ಗಾಲಿತ್ ವಸ್ತಿ ರಾಲ್ಯಾನಿ. 20 ಜೊಶ್ವಾನ್ ಜೊರ್ದಾನಾಕ್ನಾ ಹಾನಲ್ಲೆ ಬಾರಾ ಗುಂಡೆ ಗಿಲ್ಗಾಲಿತ್ ಇಬೆಕರುನ್ ಥವ್ನ್, 21 ಇಜ್ರಾಯೆಲ್ ಲೊಕಾಕ್ನಿ, ತುಮ್ಚ್ಯಾ ಪೊರಾನಿ ಫಿಡೆ ಹೆ ಗುಂಡೆ ಕಸ್ಲೆ ಮನುನ್ ಇಚಾರ್ಲ್ಯಾರ್, 22 ತುಮಿ ತೆಂಕಾ, ಇಜ್ರಾಯೆಲ್ ಲೊಕಾನಿ ಜೊರ್ದಾನ್ ನ್ಹಯ್ತ್ ವಾಳ್ಕ್ಯಾ ವಾಟೆನ್ ಚಲುನ್ ಯೆಲ್ಲ್ಯಾ ಸಾಟ್ನಿ ಮನುನ್ ಸಾಂಗುಚೆ. 23 ತುಮ್ಚ್ಯಾ ಸರ್ವೆಸ್ಪರ್ ದೆವಾನ್ ಅಮ್ಚ್ಯಾ ಫಿಡ್ಯಾತ್ ತಾಂಬ್ಡೆ ಸಮುಂದರ್ ವಾಳಿ ಸಾರ್ಕೆ ಕರುನ್ ಅಮ್ಕಾ ದಾಟ್ವಲ್ಲ್ಯಾ ಸಾರ್ಕೆಚ್ ಅತ್ತಾ ತುಮ್ಚ್ಯಾ ಫಿಡೆ ಜೊರ್ದಾನ್ ನ್ಹಯ್ ವಾಳಿ ಸಾರ್ಕೆ ಕರುನ್ ದಾಟ್ವುಲ್ಯಾನ್. 24 ಹೆಚ್ಯಾ ವೈನಾ ಸಗ್ಳ್ಯಾ ಜಗಾಚಿ ಲೊಕಾ ಸರ್ವೆಸ್ಪರಾಚೊ ಹಾತ್ ಬಳಾಚೊ ಮನುನ್ ಕಳ್ವುನ್ ಘೆತಾತ್, ಅನಿ ತುಮ್ಚ್ಯಾ ಸರ್ವೆಸ್ಪರ್ ದೆವಾಕ್ ಸದಾ ಸರ್ವತಾಕ್ ಭಿಂವ್ತಾತ್ ಮಟ್ಲ್ಯಾನ್.