ಜೊಶುವಾ 20

ಆಧಾರಾಚಿ ಶಾರಾ

1 ಸರ್ವೆಸ್ಪರಾನ್ ಜೊಶ್ವಾಕ್ ಸಾಂಗಲ್ಲೆ ಕಾಯ್ ಮಟ್ಲ್ಯಾರ್, 2 "ತಿಯಾ ಇಜ್ರಾಯೆಲ್ ಲೊಕಾಂಚ್ಯಾಕ್ಡೆ, ಮಿಯಾ ಮೊಯ್ಜೆಚ್ಯಾ ವೈನಾ ಹುಕುಮ್ ದಿಲ್ಲ್ಯಾ ಸಾರ್ಕೆ ವಸ್ತಿ ರಾವ್ಕ್ ಆಧಾರಾಚಿ ಶಾರಾ ಒಳ್ಕುನ್ ಥವ್ನ್ ಘೆವಾ. 3 ತುಮ್ಚ್ಯಾತ್ಲೆ ಕೊನ್ ತರ್ ಕಳಿನಸ್ತಾನಾ ಜಿವ್ ಕಾಡ್ತಲೊ ರಾಲ್ಯಾರ್ ತೊ ಮರಲ್ಲ್ಯಾ ಮಾನ್ಸಾಚ್ಯಾ ಘರಾನಾಂಚ್ಯಾ ಲೊಕಾಂಚ್ಯಾಕ್ನಾ ಹುರ್ವುನ್ ಘೆವ್ಕ್ ಮನುನ್ ಥೈ ಜಾವ್ನ್ ರಾಂವ್ದಿತ್. 4 ತೊ ಪಳುನ್ ಜಾವ್ನ್ ಅದ್ದಿ ತ್ಯಾ ಶಾರಾಚ್ಯಾ ದಡ್ಪ್ಯಾತ್ ಇಬೆರಾವ್ನ್, ಥೈತ್ಲ್ಯಾ ಜಾಂನ್ತ್ಯಾಕ್ನಿ ಅಪ್ನಾಕ್ ಹೊಲ್ಲಿ ಸಂಗ್ತಿಯಾ ಸಾಂಗುಚೆ, ತೆನಿ ತೆಕಾ ಗಾಂವಾತ್ ಘೆವ್ನ್ ರಾವ್ಕ್ ಜಾಗೊ ದಿಂವ್ದಿತ್. 5 ತ್ಯಾ ಮರಲ್ಲ್ಯಾ ಮಾನ್ಸಾಚಿ ಸಮಂದಿಕಾ ತೆಕಾ ಫಾಟ್ ಲಾಗುನ್ ಥೈ ಯೆಲ್ಯಾರ್, ತೆನಿ ತೆಕಾ ತೆಂಚ್ಯಾ ಹಾತಿತ್ ಒಪ್ಸುನ್ ದಿವ್ಚೆ ನ್ಹಯ್, ಕಶ್ಯಾಕ್ ಮಟ್ಲ್ಯಾರ್ ತೆನಿ ಕಸ್ಲೊಬಿ ಜುನ್ನೊ ರಾಗ್ ನಸ್ತಾನಾ ಅಕಾಸ್ಮಾತ್ ಜಿವ್ ಕಾಡ್ಲ್ಯಾನ್. 6 ತೆಕಾ ಎಕ್ ತಾಂಡೊ ಗೊಳಾಕರುನ್ ಇಬೆ ಕರುಚೆ, ಅನಿ ತೊ ಮೊಟ್ಟ್ಯಾ ಯಾಜಕಾಚ್ಯಾ ಜಿವ್ಮಾನಾಚಿ ಫುರಾ ದಿಸಾ ತ್ಯಾಚ್ ಶಾರ್‍ಹಾತ್ ರಾವ್ಚೆ, ತೆಜ್ಯಾ ಮಾನಾ ಅಪ್ನಿ ಸೊಡುನ್ ಯೆಲ್ಲ್ಯಾ ಶಾರ್‍ಹಾತ್ಲ್ಯಾ ಘರಾಕ್ ಪರ್‍ತುನ್ ಜಾವ್ಚೊ" ಮನುನ್ ಸಾಂಗ್, ಮಟ್ಲ್ಯಾನ್. 7 ಅನಿ ಇಜ್ರಾಯೆಲಾನಿ ನಪ್ತಾಲಿಚ್ಯಾ ಘರಾನಾಚ್ಯಾಂಚೆ ಪ್ರದೆಶ್ ಗಲಿಲಾಯ್ ಪ್ರಾಂತ್ಯಾಚೆ ಕೆದೆಶ್, ಎಫ್ರಾಯಿಮ್ ಮಡ್ಡಿಚ್ಯಾ ಜಾಗ್ಯಾಚೆ ಶೆಕೆಮ್ ಅನಿ ಜುದೆವಾಂಚ್ಯಾ ಮಡ್ಡಿಚ್ಯಾ ಜಾಗ್ಯಾಚೆ ಹೆಬ್ರೊನ್ ಮನ್ವುನ್ ಘೆತಲೆ ಕಿರ್ಯಾತರ್ಬ್ ಮನ್ತಲಿ ಶಾರಾ ನೆಮ್ಲ್ಯಾನಿ. 8 ತವ್ಡೆಚ್ ನಸ್ತಾನಾ, ಜೆರಿಕೊಚ್ಯಾ ದಿಸ್ ಉಗಾವ್ತಲ್ಯಾ ದಿಕ್ಕಾಚ್ಯಾ ಜೊರ್ದಾನ್ ನ್ಹಯಿಚ್ಯಾ ತಿಕ್ಡಿನ್ ರುಬೆನ್ಯಾಂಚ್ಯಾ ಮಡ್ಡಿ ವೈಲ್ಯಾ ಡಂಗ್ಳಿತ್ಲೆ ಬೆಚೆರ್, ಗಾದಾಂಚೆ ಗಿಲ್ಯಾದ್ ಪ್ರಾಂತ್ಯಾಚೆ ರಾಮೊತ್, ಮನಸ್ಸೆಂಚೆ ಬಾಶಾನಾತ್ಲೆ ಗೊಲಾನ್ ಮನ್ತಲಿ ಶಾರಾ ನೆಮ್ಲ್ಯಾನ್. 9 ಇಜ್ರಾಯೆಲ್‌ಕಾರಾಕ್ನಿ ಅನಿ ತೆಂಚ್ಯಾ ಮದ್ದಿ ವಸ್ತಿ ರ್‍ಹಾತಲ್ಯಾ ದುಸ್ರ್ಯಾ ದೆಶಾಚ್ಯಾಕ್ನಿಬಿ ಆಧಾರಾಚಿ ಶಾರಾ ಹೊಲಿ, ದುಸ್ರ್ಯಾಕ್ ಎಕ್ಲ್ಯಾಕ್ ಅಕಾಸ್ಮಾತ್ ಜಿವ್ ಕಾಡಲ್ಲೊ ಮಾನುಸ್ ತೆಜ್ಯಾ ಸಮಂದಿಕಾಂಚ್ಯಾಕ್ನಾ ಚುಕ್ವುನ್ಗೆವ್ನ್ ಜಾವ್ನ್ ನಿಪುನ್ ರಾವ್ಕ್ ಹೊತಾ, ಅನಿ ತೊ ಅಪ್ನಾಕ್ ಇಚಾರ್ನಿ ಕರ್‍ತಲ್ಯಾಂಚ್ಯಾ ಬೈಟೆಕಾಚ್ಯಾ ಇದ್ರಾಕ್ ಇಬೆರಾಯ್ ಪತರ್ ಥೈಚ್ ನಿಪುನ್ ರಾವ್ಕ್ ಹೊತಾ.