ಆದಿಕಾಂಡ 20:2,9-13

2 ತೆ ತಿನಿ ಬೈಕೊ ಥಯಲ ಸಾರಳನೆ ಭೆನ ವ್ಹೈ ಕೈನ ಕೈಲಿದಲಕ್ಹು ಗೆರಾರನೊ ರಾಜೊ಼ ಅಭಿಮೆಲೆಕ ತಿನೆ ಬಲೈನ ತಿನಾ ಘರಮಾ ಮ್ಹೆಲಿದ್ಯೊ. 9 ಅಬಿಮೆಲೆಕ ಅಬ್ರಹಾಮನೆ ಬಲೈನ, 'ತು ಹಮೊನೆ ಕರಲ ಸು ವೈ? ಮಿ ಕಯೊ ಪಾಪ ಕರಲಕ್ಹು ತು ಮನೆ ವರಿ ಮಾರಾ ರಾಜ್ಯನೆ ಮಹಾಪಾತ ಲಕುನ್ ಮ್ಹೈ ಘಾಲ್ಯೊಸ? ತು ನೈ ಕರಾನಾ ಕರಾನೆ ಮಿ ತುನೆ ಸು ಕರ‍್ಯೊತೊ" ಕೈನ, 10 'ತು ಕಯಾ ಉದ್ದೆಶಕ್ಹು ಆ ಕಾರ್ಯ ಕರ‍್ಯೊ" ಕೈನ ಅಬಿಮೆಲೆಕ ಅಬ್ರಹಾಮನೆ ಪುಚ್ಯೊ. 11 ತೆಳಾಮಾ ಅಬ್ರಹಾಮ, 'ಎ ಜ಼ಗಾನಾ ಕ್ಹುದಾನ ಭ್ಹೆ ಭಕ್ತಿಮಾ ನೈ ರ‍್ಹೈನ ಮಾರಿ ಬೈಕೊನಾ ನಿಮತ್ತಕ್ಹು ಮನೆ ಖಲಾಸ ಕರಸ ಕೈನ ಸೊಚ್ಯೊತೊ. 12 ತೆನೈಸೊ ತೆ ಕ್ಹರಿಮಾಜ ಮಾರಿ ನ್ಹಾನಿ ಬ್ಹೆನ ವ್ಹೈ, ಮಾರಾ ಬಾನಿಜ ದಿಕ್ರಿ ವ್ಹೈ; ತೆನೈಸೊ ಮಾರಿ ಯಾನಿ ದಿಕ್ರಿ ನೈ ರ‍್ಹಯಲಕ್ಹು ಮನೆ ಬೈಕೊ ಥೈಸ. 13 ಮಿ ಕ್ಹುದಾನಿ ಚಿತ್ತಕ್ಹುಜ ಬಾನಾ ಘರನೆ ಚೊಡಿನ ದೆಶಾಂತರೊನೆ ಜಾವಾನಾಹುತಿ ಜಾ಼ತಾಮಾ ಮಿ ತಿನೆ, 'ಹಮೆರ ಜಾವಾನಾ ಕ್ಹಾರಾ ಜಗವೊಮಾ ಮನೆ ತಾರಾಕ್ಹು ಯಕ್ಕ ಮರ್ಗಾ ಥೌ. ತೆ, ಸು ವ್ಹೈ ಕದ್ಯಾಮ ತು ಮನೆ ಮ್ಹೊಟೊ ಬ್ಹೈ ವ್ಹೈ ಕೈನ ಕೌ’ ಕೈನ ತಿಳಸಾಯೊ" ಕದ್ಯೊ.