1 ಸಾರಳ ಯಕ್ಹೊನ ಇಕ್ಹಪರಯಕ್ಕ ವರಕ್ಹ ಜ್ಯುತಿ ವ್ಹತಿ. 2 ಸಾರಳ ಕಾನಾನ ದೆಶಮಾ ರ‍್ಹಯಲ ಹೆಬ್ರೊನ ಕವಾನಾ ಕಿರ್ಯತರ್ಬಮಾ ಮರಿ. ಅಬ್ರಹಾಮ ಐನ ತಿನಾ ಹುತಿ ಗೊಳಾಡಿನ ಡೊಳಾಮಾನು ಪಾನಿ ಕಾಡ್ಯೊ. 3 ತೆಳಾಮಾ ತಿನಾ ಮುರ್ದಾಕಂತೊ ಅಬ್ರಹಾಮ ಉಟಿ ಹಿತ್ತಿವಾಲಾವೊಕನ ಗೈನ ತ್ಯುನೊನೆ, 4 ಮಿ ತುಮೊಮಾ ಬಿಜಾ಼ ದೆಶವಾಲೊ ವ್ಹೈ, ಪ್ರವಾಸಿ ವ್ಹೈ. ಹಮ್ನಾ ಮರಲ ಮಾರಿ ಬೈಕೊನೆ ಸಮಾದಿನಾಹುತಿ ದಕ್ಹಿ ಜಿಮಿನ ಮನೆ ಸ್ವಂತ ದಿವೊ" ಕೈನ ಮಾಂಗಿಲಿದ್ಯೊ. 5 ಹಿತ್ತಿವಾಲಾ ಅಬ್ರಹಾಮನೆ ಅಮ ಕದ್ಯಾ, 6 'ಸ್ವಾಮಿ ಹಮಾರಿ ವಾತ ಐಕ. ತು ಹಮೊನೆ ಮ್ಹೊಟೊ ಪ್ರಭು ಥಯೊಸ ಯಕ್ಕಜ಼ ವ್ಹೈ. ಮರಲವಾಲಿ ತಾರಿ ಬೈಕೊನು ಅಂಗ ಹಮೊಮಾ ರ‍್ಹಯಲ ಘನ್ನಿ ಚೊ಼ಕಿ ರ‍್ಹಯಲ ಸಮಾದಿಮಾ ಮುಕ್ಕ ಸಕ್ಷಿ. ತಾರಿ ಬೈಕೊನು ಅಂಗ ಮುಕ್ಕಾನಾ ಹುತಿ ಹಮಾರಾಮಾ ಕುನ್ನಜ಼ ಮಜ಼ಾರ ದಿವಾನೆ ಸರಕತು ನೈ" ಕೈನ ಕತಾಮಾ 7 ಅಬ್ರಹಾಮ ಉಟಿನ ಹಿತ್ತಿವಾಲಾವೊನೆ ನಮಸ್ಕಾರ ಕರ‍್ಯೊ. 8 ತೆ ತ್ಯುನಾ ಕ್ಹಾತೆ ವರಿ ಬೊಲಿನ 'ಮಿ ತುಮೊಕನ ಮಾರಿ ಬೈಕೊನೊ ಅಂಗ ಸಮಾದಿಕರಾನೆ ತುಮೊನೆ ವಪ್ಪಿಗೆ ಥಯುಮ ಮುಕನ ತುಮೊನೆ ಯಕ್ಕ ವಿದ್ಯಾಪನೆ ಛೆ. ತುಮೆ ಜೊ಼ಹರನಾ ದಿಕ್ರೊ ಎಫ್ರೊನನ ಕ್ಹಾತೆ ಮಾರಾಹುತಿ ಬೊಲಿನ, 9 ತಿನಿ ಜಿಮಿನ್ಮಾ ರ‍್ಹಯಲ ಮಕ್ಪೆಲ ಮನೆ ದಿಲಾವೊ ಕೈನ ಕೈಲಿದ್ಯೊ. ಮನೆ ತೆ ಸಮಾದಿಕಾರಾನೆ ಸ್ವಂತ ಜ಼ಗಾ ಕರಿನ ದಿದ್ಯೊಮ ತಿನಿ ಕಿಮ್ಮತ ತುಮಾರಾ ಕ್ಹಾಮೊಜ಼ ತಿನೆ ದ್ಯುಸ" ಕದ್ಯೊ. 10 ಎಫ್ರೊನನ ತೆ ಹಿತ್ತಿವಾಲಾವೊಮಾಜ಼ ಬೈಟ್ಯೊತೊ. ಇಮ ಕತಾಮಾ ಹಿತ್ತಿವಾಲೊ ಥಯಲ ಎಫ್ರೊನನ ತ್ಯುನಾ ಕ್ಹಾಮೊಜ಼ ಉಟಿನ ಅಬ್ರಹಾಮನೆ 11 'ತಿಮ ನ್ಹವೈ ಸ್ವಾಮಿ, ಮಾರಿ ವಾತ ಐಕ. ತೆ ಜಿಮಿನ್ಮಾ ರ‍್ಹಯಲ ಸಮಾದಿ ತುನೆ ದಾನಮಾ ದ್ಯುಸ ಮಾರಾ ಮನಕ್ಹೊನಾ ಕ್ಹಾಮೊಜ಼ ದ್ಯುಸ. ಮರಲವಾಲಿ ತಾರಿ ಬೈಕೊನೆ ತಿಮಾಜ಼ ಸಮಾದಿ ಕರಸಕ್ಷಿ" 12 ಕೈನ ಕತಾಮಾ ಅಬ್ರಹಾಮ ತೆ ದೆಶನಾ ಮನಕ್ಹೊನೆ ನಮಸ್ಕಾರ ಕರಿನ ತ್ಯುನಾ ಕ್ಹಾಮೊಜ಼ 13 ಅಬ್ರಹಾಮ ತ್ಯುನಾ ಕ್ಹಾಮೊಜ಼ ಎಫ್ರೊನನೆ ತೆ ಜ಼ಗಾನಿ ಕೆಕ್ಲಿ ಕಿಮ್ಮತ ಛೆ ತೆಕ್ಲಿ ಮಿ ದ್ಯುಸ ತೆ ತೆ ಕಿಮ್ಮತ ಲಿವಾನೊ ರ‍್ಹಯೊಮ ಮಾರಿ ಬೈಕೊನೆ ತ್ಯಾ ಸಮಾದಿ ಕರುಸ. ಕೈನ ಕದ್ಯೊ. 14 ಎಫ್ರೊನ ಅಬ್ರಹಾಮನೆ 15 ಸ್ವಾಮಿ ಮಾರಿ ವಾತ ಐಕ ತೆ ಜ಼ಗಾನಿ ಕಿಮ್ಮತ ಚಾರಕ್ಹೊ ರುಪ್ಪಾನಾ ಬಿಲ್ಲಾ ವ್ಹೈ. ವರಿಬಿ ತುನೆ ರ‍್ಹೈನೆಕಾ ಮನೆ ರ‍್ಹೈನೆಕಾ ತೆ ಚಾರಕ್ಹೊ ಜಾಸ್ತಿ ನ್ಹವೈ.ಜ಼ಗಾಲಿನ ತಾರಿ ಬೈಕೊನೆ ಸಮಾದಿ ಕರ. ಕೈನ ಕದ್ಯೊ. 16 ಅಬ್ರಹಾಮ ಎಫ್ರೊನನಿ ವಾತ ಐಕ್ಯೊ ಅಬ್ರಹಾಮ ತೆ ಜ಼ಗಾನಾಹುತಿ ಎಫ್ರೊನನೆ ಚಾರಕ್ಹೊ ರುಪ್ಪಾನಾ ಬಿಲ್ಲಾ ತ್ಯುನಾ ಕ್ಹಾಮೊಜ಼ ಮೊಜಿನ ದಿದ್ಯೊ. 17 ಎ ಜಿಮಿನ ಮಮ್ರೆನ್ನೆ ಪುರ್ವಮಾ ರ‍್ಹಯಲ ಮೆಕ್ಪೆಲಮಾ ವ್ಹತು.ಅಬ್ರಹಾಮ ತೆ ಜಿಮಿನ್ನೆ ತ್ಯಾ ರ‍್ಹಯಲ ಗವಿನೆ ವರಿ ಝಾಡೊನೆ ಮಾಲಕ ಥಯೊ. 18 ಎಫ್ರೊನನೆ ಅಬ್ರಹಾಮನೆ ಥಯಲ ವಪ್ಪಂದನೆ ಗಾಮ್ನಾ ಕ್ಹಾರಾಜ಼ನಾ ಸಾಕ್ಷಿ ಥಯಾ. 19 ಪಾಚಾ಼ತೊ ತಿನಿ ಬೈಕೊನೆ ಸಾರಳನೆ ಮಮ್ರನೆ ನಜಿ಼ಕ ರ‍್ಹಯಲ ಜಿಮಿನಮಾ ಸಮಾದಿ ಕರ‍್ಯೊ. ತೆ ಕಾನಾನ ದೆಶನಾ ಕ್ಹಾಮು ವ್ಹತು. 20 ಅಬ್ರಹಾಮ ತೆ ಜಿಮಿನನೆ ವರಿ ತಿನಾ ರ‍್ಹಯಲ ಗವಿನೆ ಹಿತ್ತಿಯವಾಲಾವೊಕ್ಹು ಇಕ್ಕಾತೊ ಲಿದ್ಯೊತೊ. ತೆ ತಿನಿ ಆಸ್ತಿ ಥೈ ತೆ ಜ಼ಗಾನೆ ಸಮಾದಿನಿ ಜ಼ಗಾ ಕರ‍್ಯೊ.