1 ಆದಾಮನಾ ಖಾಂದಾನನಿ ವಳಕ ಕ್ಹುದಾ ಸೃಷ್ಟಿಕಾಲಮಾ ಮನಕ್ಹನೆ ತಿನಾ ರುಪ ನಿಂಗತಜ಼಼ ತಯ್ಯಾರ ಕರ‍್ಯೊ. 2 ತ್ಯುನೊನೆ ಗಂಡ ಹೆಣ್ಣ ಕರಿನ ತಯ್ಯಾರ ಕರ‍್ಯೊ. ಎನೈಸೊ ತೆಜ಼ ದಿನ್ಮಾ ತ್ಯುನೊನೆ ಆಶಿರ್ವಾದ ದಿನ ತ್ಯುನೊನೆ ಮನಕ್ಹ ಕೈನ ನಾಮ ಮ್ಹೆಲ್ಯೊ. 3 ಆದಾಮ ಯಕ್ಹೊನ ಮುವತ್ತ ವರಕ್ಹನೊ ಥಾತಾಮಾ ತಿನಾ ರುಪಮಾ ಪಟ್ಟಾನೆ ಪಡದ್ಯೊ ತಿನೆ ಸೆತ ಕೈನ ನಾಮ ಮ್ಹೆಲ್ಯೊ. 4 ಸೆತ ಹುಟ್ಟಲಪರ ಆದಾಮ ಗಂಡ ಹೆಣ್ಣ ಪಚ್ಚಾ಼ವೊನೆ ಪಡ್ದಿನ 800 ವರಕ್ಹ ಜಿವ್ತೊ ವ್ಹತ್ತೊ. ಹಜು಼ನ ತಿನಾ ಬಚ್ಚಾ಼ ವ್ಹತ್ತಾ. 5 ತೆ 930 ವರಕ್ಹಲಕ್ಕಾ ಜಿವ್ತೊ ರ‍್ಹೈನ ಮರ‍್ಯೊ. 6 ಸೆತ 105 ವರಕ್ಹ ರ‍್ಹತಾಮಾ ಎನೊಶನೆ ಪಡದ್ಯೊ. 7 ಎನೊಶ ಹುಟ್ಟಲಪರ ಸೆತ ಗಂಡ ಹೆಣ್ಣ ಬಚ್ಚಾ಼ವೊನೆ ಪಡ್ದಿನ 807 ವರಕ್ಹ ಜಿವ್ತೊ ವ್ಹತ್ತೊ. 8 ತೆ 912 ವರಕ್ಹ ಜಿವ್ತೊ ರ‍್ಹೈನ ಮರ‍್ಯೊ. 9 ಎನೊಶ 90 ವರಕ್ಹನೊ ಥಾತಾಮಾ ಕೆನಾನೆ ಪಡದ್ಯೊ. 10 ಕೆನಾನ ಹುಟ್ಟಲಪರ ಎನೊಶ ಗಂಡ ಹೆಣ್ಣ ಬಚ್ಚಾ಼ವೊನೆ ಪಡ್ದಿನ 815 ಜಿವ್ತೊ ವ್ಹತ್ತೊ. 11 ತೆ 905 ಜಿವ್ತೊ ರ‍್ಹೈನ ಮರ‍್ಯೊ. 12 ಕೆನಾನ 70 ವರಕ್ಹನೊ ಥಾತಾಮಾ ಮಹಲೆಲನೆ ಪಡದ್ಯೊ. 13 ಮಹಲೆಲ ಹುಟ್ಟಲಪರ ಕೆನಾನ ಗಂಡ ಹೆಣ್ಣ ಬಚ್ಚಾ಼ವೊನೆ ಪಡದಿನ 840 ವರಕ್ಹ ಜಿವ್ತೊ ವ್ಹತ್ತೊ. ವರಿ ತಿನೆ ಹಜು಼ನ ಬಚ್ಚಾ಼ ವ್ಹತ್ತಾ. 14 ತೆ 910 ವರಕ್ಹ ಜಿವ್ತೊ ರ‍್ಹೈನ ಮರ‍್ಯೊ. 15 ಮಹಲಲೆಲ 65 ವರಕ್ಹಮಾ ಯೆರೆದನನೆ ಪಡದ್ಯೊ. 16 ಯೆರೆದನ ಹುಟ್ಟಲಪರ ಮಹೆಲೆಲ ಪಟ್ಟೊ ಚೊ಼ಕ್ರಿ ಪಡದಿನ 830 ವರಕ್ಹ ಜಿವ್ತೊ ವ್ಹತ್ತೊ. 17 ತೆ ವಟ್ಟಜ಼ 895 ವರಕ್ಹ ಜಿವ್ತೊ ರ‍್ಹೈನ ಮರ‍್ಯೊ. 18 ಯೆರೆದನ 162 ವರಕ್ಹನೊ ರ‍್ಹತಾಮಾ ಹನೊಕನೆ ಪಡದ್ಯೊ. 19 ಹನೊಕ ಹುಟ್ಟಲಪರ ಯೆರೆದನ 800 ವರಕ್ಹ ಜಿವ್ತೊ ವ್ಹತ್ತೊ. 20 ತಿನೆ ಹಜು಼ನ ಬಚ್ಚಾ಼ ವ್ಹತ್ತಾ. 21 ಹನೊಕ 65 ವರಕ್ಹನೊ ರ‍್ಹತಾಮಾ ಮೆತೊಶೆಲನೆ ಪಡದ್ಯೊ. 22 ಮೆತುಶೆಲಹನ ಹುಟ್ಟಲಪರ ಹನೊಕ ಗಂಡ ಹೆಣ್ಣ ಬೆ ಬಚ್ಚಾ಼ವೊನೆ ಪಡದಿನ ಕ್ಹುದಾನಿ ಅನ್ಯುನ್ಯೆತೆಮಾ 300 ವರಕ್ಹ ಜಿವ್ತೊ ವ್ಹತ್ತೊ. ವರಿ ತಿನೆ ಹಜು಼ನ ಬಚ್ಚಾ ವ್ಹತ್ತಾ. 23 ತೆ ಜಿವ್ತೊ ರ‍್ಹಯಲ 365 ವರಕ್ಹ ವ್ಹೈ. 24 ಹನೊಕ ಕ್ಹುದಾಮಾ ಅನ್ಯುನ್ಯೆತೆಮಾ ಚಾ಼ಲ್ತೊ ರ‍್ಹತಾಮಾ ಕ್ಹುದಾ ತಿನೆ ಬಲಾಯೊ. ತೆ ಗಾಯಬ ಥಯೊ. ತಿನಾಹುತಿ ತೆ ದಿಕ್ಹ್ಯಾವಾಚಿ ವ್ಹತ್ತೊ. 25 ಮೆತುಶೆಲನ 187 ವರಕ್ಹನೊ ರ‍್ಹತಾಮಾ ಲೆಮೆಕನೆ ಪಡದ್ಯೊ. 26 ಲೆಮೆಕ ಹುಟ್ಟಲಪರ ಮೆತುಶೆಲಹನ ಗಂಡ ಹೆಣ್ಣ ಬಚ್ಚಾ಼ವೊನೆ ಪಡದಿನ 782 ವರಕ್ಹ ಜಿವ್ತೊ ವ್ಹತ್ತೊ. 27 ತೆ ವಟ್ಟಜ಼ 969 ವರಕ್ಹ ಜಿವ್ತೊ ರ‍್ಹೈನ ಮರ‍್ಯೊ. ವರಿ ತಿನೆ ಹಜು಼ನ ಬಚ್ಚಾ಼ ವ್ಹತ್ತಾ. 28 ಲೆಮೆಕ 182 ವರಕ್ಹನೊ ರ‍್ಹತಾಮಾ ಯಕ್ಕ ಪಟ್ಟಾನೆ ಪಡದ್ಯೊ. 29 'ಯಹೊವಾ ಶ್ರಾಪ ದಿದಲ ಜಿಮಿನಕ್ಹು ಥಾವಾನು ತ್ರಾಸ ಖೈನ ಎ ದಿಕ್ರೊ ಅಪೊನೆ ತ್ರಾಸಮಾತೊ ಭಾರೊ ಕಾಡಿನ ಶಾಂತಿ ದಿವಸ" ಕೈನ ತಿನೆ 'ನೊಹಾ" ಕೈನ ನಾಮ ಮ್ಹೆಲ್ಯೊ. 30 ನೊಹಾ ಹುಟ್ಟಲಪರ ಲೆಮೆಕ ಗಂಡ ಹೆಣ್ಣ ಬೆ ಬಚ್ಚಾ಼ವೊನೆ ಪಡದಿನ 595 ವರಕ್ಹ ಜಿವ್ತೊ ವ್ಹತ್ತೊ. ತಿನೆ ಹಜು಼ನ ಬಚ್ಚಾ಼ ವ್ಹತ್ತಾ. 31 ತೆ ವಟ್ಟಜ಼ 777 ವರಕ್ಹ ಜಿವ್ತೊ ರ‍್ಹೈನ ಮರ‍್ಯೊ. 32 ನೊಹ 500 ವರಕ್ಹನೊ ಥಾತಾಮಾ ಶೆಮ, ಹಾಮ, ಯೆಫೆತ ಕವಾಲಾ ತನ್ನ ಬಚ್ಚಾ಼ವೊನೆ ಪಡದ್ಯೊ.