ಆದಿಕಾಂಡ 29:10,11,18,20,25,27,30

10 ರಾಹೆಳ ಲಾಬಾನನಿ ದಿಕ್ರಿ ವ್ಹೈ ಲಾಬಾನ ಯಕಾಬೊನಿ ಯಾ ಥಯಲ ರೆಬಕ್ಕನೊ ಮ್ಹೊಟೊ ಭೈ ವ್ಹೈ.ಯಾಕೊಬ ರಾಹೆಲನೆ ದೆಕ್ತಾಮಾ ಇರಪರ ರ‍್ಹಯೆಲ ದಗ್ಡೊ ಸರಕಾಯಾ ತಿನಿ ಮಾ ನೊ ಭೈ ಥಯಲ ಲಾಬಾನನಾ ಬಕ್ರಾವೊನೆ ಪಾನಿ ದಿದ್ಯಾ. 11 ಯಾಕೊಬ ರಾಹೆಲನೆ ಮಟ್ಟಿಲಿನ ಘನ್ನೊ ಜೊ಼ರ ರೊತೊ ತಿನೆ. 18 ಯಾಕೊಬ ರಾಹೆಲನೆ ಪ್ಯಾರ ಕರಿನ ತಾರಿ ನ್ಹಾನಿ ದಿಕ್ರಿ ಥಯಲ ರಾಹೆಲನಾ ಹುತಿ ಕ್ಹಾತ ವರಕ್ಹ ಸೆವಾ ಕರುಸ ಕೈನ ಕತಾಮಾ, 20 ಇನಾ ನಿಂಗತ ಯಾಕೊಬ ರಾಹೆಲನಾ ಹುತಿ ಕ್ಹಾತ ವರಕ್ಹ ಸೆವಾ ಕರ‍್ಯೊ ತೆ ತಿನೆ ಘನ್ನೊ ಮಯಾ ಕರಲ ಹುತಿ ತೆ ತಿನೆ ದಕ್ಹಾಜ಼ ದಿನ ವ್ಹೈ ಕೈನ ದಿಕ್ಹ್ಯು. 25 ಪಾಟೆ ತೆ ಲೆಯಲ ವ್ಹೈ ಕೈನ ಯಾಕೊಬನೆ ಗ್ವತ್ತ ಥಾತಾಮಾ ತೆ ಲಾಬಾನನೆ ಆ ಸು ವೈ ತು ಮಾರಾ ಕ್ಹಾತೆ ಕರಲ? ರಾಹೆಲನಾ ಹುತಿ ತುನೆ ಸೆವಾ ಕರ‍್ಯೊಸ್ತೊ ಕಾ ಮನೆ ಮೊಸ ಕರ‍್ಯೊ ಕೈನ ಪುಚ಼ಲಕ್ಹು. 27 ತಿನಾ ಹಿವಾನು ಯಕ್ಕ ಹಫತೊ ಪುರಾ ಕರತೆ ಥಯಲ್ಪರ ಮಾರಿ ನ್ಹಾನಿ ದಿಕ್ರಿನೆ ತುನೆ ದ್ಯುಸ. ಅನಾ ಹುತಿ ತು ಹಜುನ ಕ್ಹಾತ ವರಕ್ಹ ಸೆವಾ ಕರ ಕದ್ಯೊ. 30 ಯಾಕೊಬ ರಾಹೆಲನಾ ಕ್ಹತೆ ಕುಡ್ಯೊ ತಿನೆ ಲೆಯಳತಿಬಿ ಘನ್ನೊ ಪ್ಯಾರ ಕರ‍್ಯೊ. ತಿನಾ ಹುತಿ ಲಾಬಾನ ಕನ್ನ ವರಿ ಕ್ಹಾತ ವರಕ್ಹ ಸೆವೆ ಕರ‍್ಯೊ.