ಆದಿಕಾಂಡ 39

7 ತ್ಯುನಿ ಆಸ್ತಿ ಜಾಸ್ತಿ ರ‍್ಹಯಲಕ್ಹು ತ್ಯುನೆ ಭಂಬೆ ಜ಼ನಾ ಯಕ್ಕಜ಼ ಜ಼ಗಾಮಾ ರ‍್ಹವಾನೆ ಸಾದ್ಯ ನ್ಹೊತು. ತ್ಯುನೆ ಪಶು ಪ್ರಾಣಿಯೊ ಘನ್ನಾ ರ‍್ಹಯಲಕ್ಹು ತ್ಯುನೆ ಪ್ರವಾಸ ಥಯಲ ದೆಶ ತ್ಯುನೊನೆ ಬಸ ಥಯುಜ಼ ನೈ. 8 ಇಮ್ಮ ಎಸಾವ ಸೆಯಿರ ಡೊಂಗರನಾ ಸಿಮೆನೆ ಗೈನ ತ್ಯಾಜ಼ ರ್ಹೈ ಗಯೊತೊ. ಎಸಾವ ಕದ್ಯಾಮ ಎದೊಮ ವ್ಹೈ. 9 ಸೆಯಿರ ಡೊಂಗರನಾಸಿಮೆಮಾ ರ್ಹಹಯಲ ಎದೊಮ್ಯರೊನೊ ಮುಲ ಪುರುಶ ಥಯಲ ಎಸಾವನಾ ವಂಶನಿ ಚರಿತ್ರೆ: 10 ಎಸಾವನಾ ಬಚ್ಚಾವೊನಾ ನಾಮೊ ಕಯಾ ವ್ಹೈ ಕದ್ಯಾಮ: ಎಲಿಫಜನ, ಎಸಾವನಿ ಬೈಕೊ ಥಯಲ ಆದಾ ಕವಾಲಿನೊ ದಿಕ್ರೊ ವ್ಹೈ. ರೆಗುವೆಲ ಎಸಾವನಿ ಬೈಕೊ ಥಯಲ ಬಾಸೆಮತನೊ ದಿಕ್ರೊ ವ್ಹೈ. 11 ಎಲಿಫಜನಾ ಬಚ್ಚಾ ಕುನ ವ್ಹೈ ಕದ್ಯಾಮ: ತೆಮಾನ, ಓಮಾರ, ಚೆಫೊ, ಗತಾಮ, ಕೆನೆಜ, 12 ತಿಮ್ನ ಕವಾಲಿ ಎಸಾವನೊ ದಿಕ್ರೊ ಥಯಲ ಎಲಿಫಜನೆ ಫಸ್ಟನಿ ಬೈಕೊ ಥೈತಿ ತೆ ತಿನೆ ಅಮಾಲೆಕನೆ ಜ಼ನ್ನಿ.ಇವ್ಯುನೆಜ಼ ಎಸಾವನಿ ಬೈಕೊ ಥಯಲ ಆದಾ ಕವಾಲಿನಾ ಬಚ್ಚಾ ವ್ಹೈ.